Astanadaǵy Básekelestikti qorǵaý jáne damytý agenttiginiń qalalyq departamenti “QTJ-Júk tasymaldary” JShS-ine qatysty júrgizilgen tergeýdi aiaqtady, dep habarlaidy Dalanews.kz.
Tergeý básekelestik týraly zańnamany buzý belgilerine bailanysty bastalǵan edi.Oǵan Qazaqstan men Qyrǵyzstannyń ulttyq ekspeditorlar qaýymdastyqtarynyń, sondai-aq birqatar kólik-ekspeditorlyq kompaniialardyń shaǵymdary negiz bolǵan.
Tergeý nátijesinde “QTJ-Júk tasymaldary” JShS júkterdi tasymaldaý josparyn kelisý kezinde ózimen affilirlengen kompaniialarǵa — “KTZ Express” AQ jáne “KedentransServis” AQ-yna artyqshylyq bergeni anyqtaldy. Bul áreketter basqa jeke ekspeditorlyq uiymdardyń qyzmetine kedergi keltirip, naryqtaǵy teńsizdikke sebep bolǵan.
Atalǵan áreketter monopoliialyq jaǵdaidy teris paidalaný retinde baǵalandy.
2025 jyly 22 tamyzda Astana qalasynyń ákimshilik ister jónindegi mamandandyrylǵan aýdanaralyq sotynyń sheshimimen “QTJ-Júk tasymaldary” JShS ÁQBtK-niń 159-babynyń 3-1 bóligi boiynsha kináli dep tanylyp, 1,42 mlrd teńge kóleminde aiyppul tóleýge mindetteldi.
Astana qalalyq soty birinshi satydaǵy sot sheshimin ózgerissiz qaldyrdy.
