استاناداعى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ قالالىق دەپارتامەنتٸ “قتج-جٷك تاسىمالدارى” جشس-ٸنە قاتىستى جٷرگٸزٸلگەن تەرگەۋدٸ اياقتادى, دەپ حابارلايدى Dalanews.kz.
تەرگەۋ بەسەكەلەستٸك تۋرالى زاڭنامانى بۇزۋ بەلگٸلەرٸنە بايلانىستى باستالعان ەدٸ.وعان قازاقستان مەن قىرعىزستاننىڭ ۇلتتىق ەكسپەديتورلار قاۋىمداستىقتارىنىڭ, سونداي-اق بٸرقاتار كٶلٸك-ەكسپەديتورلىق كومپانييالاردىڭ شاعىمدارى نەگٸز بولعان.
تەرگەۋ نەتيجەسٸندە “قتج-جٷك تاسىمالدارى” جشس جٷكتەردٸ تاسىمالداۋ جوسپارىن كەلٸسۋ كەزٸندە ٶزٸمەن اففيليرلەنگەن كومپانييالارعا — “KTZ Express” اق جەنە “كەدەنترانسسەرۆيس” اق-ىنا ارتىقشىلىق بەرگەنٸ انىقتالدى. بۇل ەرەكەتتەر باسقا جەكە ەكسپەديتورلىق ۇيىمداردىڭ قىزمەتٸنە كەدەرگٸ كەلتٸرٸپ, نارىقتاعى تەڭسٸزدٸككە سەبەپ بولعان.
اتالعان ەرەكەتتەر مونوپولييالىق جاعدايدى تەرٸس پايدالانۋ رەتٸندە باعالاندى.
2025 جىلى 22 تامىزدا استانا قالاسىنىڭ ەكٸمشٸلٸك ٸستەر جٶنٸندەگٸ مامانداندىرىلعان اۋدانارالىق سوتىنىڭ شەشٸمٸمەن “قتج-جٷك تاسىمالدارى” جشس ەقبتك-نٸڭ 159-بابىنىڭ 3-1 بٶلٸگٸ بويىنشا كٸنەلٸ دەپ تانىلىپ, 1,42 ملرد تەڭگە كٶلەمٸندە ايىپپۇل تٶلەۋگە مٸندەتتەلدٸ.
استانا قالالىق سوتى بٸرٸنشٸ ساتىداعى سوت شەشٸمٸن ٶزگەرٸسسٸز قالدىردى.
