20 jeltoqsanda telegramdaǵy QirSabyn arnasynyń ákimshileri ustaldy. Quzyrly organdar olardy 18 jeltoqsanda ustaǵan. Olar anonim túrde tanymal adamdardyń ar-namysyna tietin jazbalar jariialap, olardan aqsha talap etip otyrǵan. Telegram arnanyń basqaryp otyrǵan adamdarǵa qatysty tyń derekter paida boldy, - dep habarlaidy Dalanews.kz.
Bul aqparatty Bas prokýratýra resmi túrde rastady. Prokýratýranyń úilestirýimen UQK jáne IIM vedomstvoaralyq jedel-tergeý tobymen jáne QMA-niń mamandandyrylǵan bólimshesimen birlesip, Astana jáne Qaraǵandy qalalarynda QirSabyn telegram-arnasy arqyly shyndyqqa janaspaityn aqparatty jariialaý qaýipimen aqshalai qarajatty bopsalaýmen ainalysqan adamdar toby ustalǵan.
"Shuǵyl tergeý áreketteri júrgizilip, tehnikalyq quraldar, iri kólemdegi aqsha somasy jáne ózge de zattai dáleldemeler alyndy. Telegram-arnasynyń ákimshileri sottyń sanktsiiasymen qamaýǵa alyndy", - dep habarlaidy vedomstvo ókilderi.
RPÝ "Dank" telegram arnasyndaǵy málimet boiynsha, ustalǵandardyń arasynda 19-20 jastaǵy jastar bar. Olar 1,5 jyldyń ishinde qomaqty tabys taýyp, negizinen Qazaqstannan tys jerde sán-saltanatty ómir súrip, qymbat kólikter satyp alyp, eń elitalyq qonaqúilerde demalǵan.
Óz áreketterin jasyrý úshin arnanyń adminderi jazbalardy óshirý úshin tólemdi tek kriptovaliýta arqyly qabyldap, qarjylyq operatsiialardy jasyryn júrgizý maqsatynda kóptegen sheteldik banktik kartany qoldanǵan. Bul kartalar «droptardyń» atyna rásimdelgen. Aita keteiik, droptar degen - ózderiniń derekteri qarjylyq operatsiialarda qoldanylatynyn bilmeitin adamdar.
Arnanyń barlyq adminderi bir-birimen bailanysty, al keibireýleri tipti týys eken. Olar telegramdaǵy jazbalaryn óshirý 1000 - 15 myń AQSh dollaryna deiin aqsha alyp otyrǵan. Tek bir ǵana kriptoámiian arqyly 70 myń AQSh dollarynan asatyn tranzaktsiia jasalǵany anyqtaldy.
Sonymen qatar, adminder bopsalaý arqyly alǵan aqshalaryna jii saiahattaityn. Onyń ishinde, Túrkiia men Birikken Arab Ámirlikterinde kóp júrgen.
RPÝ Dank málimetinshe, quzyrly organdar telegram arnanyń adminderi kim ekenin baiaǵydan biletin, alaida olardyń ishindegi eń basty adam uzaq ýaqyt boiy Túrkiiada júrgen. Ol Astanaǵa kelgen kezinde basqa admindermen birge ustalǵan.
