Ishki ister ministrligi alaiaqtyqtyń jańa túri týraly eskertti, dep habarlaidy dalanews.kz.
Vedomstvo málimetinshe, alaiaqtar azamattarmen Telegram messendjeri arqyly bailanysyp, ózderin memlekettik organdardyń, kompaniialar men uiymdardyń basshylary retinde tanystyrady. Bul rette olar shynaiy basshylardyń sýretin, deregin paidalanady.
Direktordyń, basshynyń nemese basqa da laýazymdy tulǵanyń atynan qaskóiler qyzmetkerlerge shuǵyl túrde kórsetilgen esepshotqa aqsha aýdarýdy, qyzmet aqysyn tóleýdi, qandai da bir taýar úshin qarajat jiberýdi nemese ózge de qarjy operatsiialaryn oryndaýdy talap etetin habarlamalar jiberedi. Kóbine mundai habarlamalardy býhgalterler, qarjy qyzmetkerleri jáne uiymnyń qarajatyna qoljetimdiligi bar tulǵalar alýy múmkin.
Osyndai habarlama alsańyz:
- aqsha aýdarmańyz jáne qarjy operatsiialaryn oryndamańyz;
- mindetti túrde basshymen telefon arqyly nemese jeke bailanysyńyz;
- telefon nómirin, habarlamany jiberýshiniń akkaýntyn jáne habarlama mazmunyn muqiiat tekserińiz;
- kúmán týyndaǵan jaǵdaida hat almasýdy toqtatyp, bolǵan jaǵdai týraly basshylyqqa jáne jaýapty qyzmetkerlerge habarlańyz.
