25 naýryzdan bastap Qazaqstanda abonenttik qurylǵylardy tirkeý erejelerine engizilgen ózgerister kúshine endi, – dep habarlaidy Dalanews.kz.
Bul ózgerister tek elge 25 naýryzdan keiin ákelingen qurylǵylarǵa qatysty. Buǵan deiin Qazaqstanda jumys istep turǵan barlyq telefon avtomatty túrde "aq tizimge" engiziledi jáne eshqandai shekteýsiz jumysyn jalǵastyra beredi.
Ministrlik tirkelmegen, biraq buryn ákelingen jáne áli satylmaǵan qurylǵylardy tirkeý úshin qosymsha 60 kún berý týraly sheshim qabyldady. Iaǵni bizneske jáne azamattarǵa 25 mamyrǵa deiin barlyq qurylǵyny https://kz-imei.kz portaly arqyly zańdastyrýǵa múmkindik berildi.
Jańa talaptarǵa sáikes elge alǵash ret ákelinetin barlyq mobildi qurylǵy mindetti túrde GSMA halyqaralyq derekter bazasynda, sondai-aq, memlekettik salyq jáne kedendik júielerde verifikatsiiadan ótýge tiis. Bul qurylǵynyń óndirýshi málimdegen sipattamalarǵa sáikestigin, elge zańdy jolmen ákelingenin jáne rastaityn qujattary baryn, sondai-aq, IMEI kodtyń joǵalǵan, urlanǵan nemese buǵattalǵan qurylǵylar bazasynda bar-joǵyn tekserýdi kózdeidi.
Verifikatsiiadan myna tulǵalar ótýge tiis:
- importtaýshylar: elge ákelinetin barlyq qurylǵy boiynsha;
- jeke tulǵalar: qurylǵy buǵan deiin Qazaqstannyń uialy bailanys jelisinde qoldanylmaǵan bolsa;
- avtorizatsiialanǵan servis ortalyqtary: tehnikalyq sebepterge bailanysty IMEI kodty aýystyrǵan jaǵdaida.
"Kórsetilgen merzim aiaqtalǵannan keiin zańdastyrylmaǵan qurylǵylardyń uialy bailanys qyzmetterin paidalanýy shekteledi. Sonymen qatar, jelige alǵash qosylǵannan keiin 30 kún ishinde tirkeýden ótpegen qurylǵylar qara tizimge engizilip, buǵattalady", - dep eskertti ministrlik ókilderi.
Qurylǵyny satyp almas buryn onyń IMEI kodyn https://imei.rfs.gov.kz saitynan tekserýge bolady. Bul azamattarǵa jalǵan nemese urlanǵan telefon satyp alýdan saqtanýǵa múmkindik beredi.
