Qonaev qalasynda "Tazarý kúnine" orai ekologiialyq aktsiia ótti,- dep habarlaidy Dalanews.kz
Naýryz – tabiǵattyń jańarý, jańǵyrý kezeńi, adamdardyń birligi men yntymaǵynyń merekesi. Bul ejelden kele jatqan meiram Memleket basshysy Qasym-Jomart Kemeluly Toqaevtyń bastamasymen byltyrdan bastap jańa formatta toilanýda. On kúnge sozylatyn «Naýryznama» tujyrymdamasy bul meiramǵa tereń maǵyna berip, onyń ulttyq mánin arttyra tústi.
Búgin, 23 naýryz – Tazarý kúni, qorshaǵan ortanyń tazalyǵyna jáne adamnyń ishki jan dúniesiniń úilesimdiligine arnalady. Bul kúni elimizdiń túkpir-túkpirinde senbilikter, ekologiialyq aktsiialar men tabiǵatty qorǵaý sharalary ótýde.
Bul igi bastamadan oblys ortalyǵy – Qonaev qalasynyń turǵyndary da shet qalmady. Belsendilerdiń, qoǵamdyq uiymdardyń jáne mekeme qyzmetkerleriniń bastamasymen keń aýqymdy sanitarlyq tazartý aktsiiasy uiymdastyryldy. Is-sharaǵa 100-den astam adam qatysyp, 10 tonnaǵa jýyq qoqys jinaldy. Aktsiia barysynda «Jasyl qala Qonaev» uiymy basshysynyń orynbasary Ashat Sarsembekuly mundai bastamalardyń tek tazalyqty saqtaýǵa ǵana emes, qoǵamda qorshaǵan ortaǵa degen jaýapkershilikti qalyptastyrýǵa da septigin tigizetinin atap ótti.
Oblys kóleminde ótken aktsiianyń nátijeleri:
- 7635 adam senbilikke qatysty;
- 152,5 tonna qoqys shyǵaryldy;
- 21 arnaiy tehnika jumyldyryldy;
- 1040 aǵash otyrǵyzyldy.
Bul kórsetkishter turǵyndar men qoǵamdyq uiymdardyń birlesken kúsh-jigeri ainalamyzdy taza ári kórikti ete alatynyn aiqyn dáleldeidi. Tazarý kúni tabiǵatqa degen janashyrlyqtyń mańyzdylyǵyn eske salady. Óitkeni aýlamyzdyń, kóshelerimizdiń, saiabaqtarymyzdyń tazalyǵy – tek jailylyqtyń ǵana emes, qoǵam mádenietiniń de kórsetkishi.
Naýryz ár shańyraqqa tatýlyq, jaqsylyq pen amandyq ákelsin!
