Almaty oblysynda úsh kúnge sozylǵan «Tazalyq kúnderi» aktsiiasyna 39 myńǵa jýyq óńir turǵyny qatysyp, týristik baǵyttardaǵy demalys oryndarynan 760 tonnadan astam qoqys jinady. Búgin óńir basshysy Marat Sultanǵaziev Qaskeleń shatqalynda ótken senbilik barysynda úsh kún boiy tazalyq jumystaryna belsendi qatysqan azamattarǵa alǵysyn bildirdi, dep habarlaidy dalanews.kz.
Qorytyndy sharada aktsiiaǵa erekshe úles qosqan azamattar men uiymdar túrli nominatsiialar boiynsha marapattaldy. Atap aitqanda, Jambyl aýdanynyń týmasy Asylym Kósherbai «Eń belsendi jas qatysýshy», Alataý qalasynyń turǵyny Riza Saýyrbaeva «Eń belsendi egde jastaǵy qatysýshy», Qarasai aýdanyndaǵy «GOGO CENTRAL ASIA» birlestiginiń direktory Aleksandr Orlanov «Eń belsendi ekovolonter» atandy. Balqash aýdanynyń turǵyny Baqytjan Hamzin «Eń taza aýla» nominatsiiasyn ielendi.
Sonymen qatar, Eńbekshiqazaq aýdanyndaǵy Avat aýyly «Eń belsendi aýyl», Raiymbek aýdany Qainar aýylyndaǵy Raiymbek batyr kóshesi «Eń taza kóshe», Uiǵyr aýdanyndaǵy «Sharyn» memlekettik ulttyq tabiǵi parki «Eń belsendi ujym» bolyp tanyldy. Ile aýdany «Eń belsendi aýdan» atansa, Qonaev qalasyndaǵy «Kóshpendiler qalashyǵy» «Eń taza týristik nysan», al Kegen aýdanyndaǵy «MERGEN HOLDING» JShS «Eń belsendi biznes ókili» retinde marapatqa ie boldy.
Oblys ákimi aspan men jer astasqan, qaraǵaily alqapqa oranǵan Qaskeleń shatqaly – óńir turǵyndary men qonaqtary jii keletin kórikti mekenderdiń biri, osyndai tabiǵi aimaqtardyń tazalyǵyn saqtaý – búgingi aktsiianyń basty maqsattarynyń biri ekenin atap ótti.
«Memleket basshysy Qasym-Jomart Toqaevtyń bastamasymen qolǵa alynǵan «Taza Qazaqstan» ekologiialyq baǵdarlamasy tek senbilikke shyǵý emes. Bul – adam jan dúniesiniń, aqyl-oiynyń da tazarýy. Mundai sharalar kúndelikti ómirimizge enip, ádetimizge ainalýy kerek. Osyǵan orai úsh kúndik demalysta “Tazalyq kúnderin” jariialaǵan edik. Ásirese týristik nysandardyń tazalyǵy basty nazarda boldy. Bul jumystardy aldaǵy ýaqytta da jalǵastyramyz», – dedi Marat Sultanǵaziev.
Senbilikter óńirdiń týristik áleýeti joǵary aimaqtaryn qamtydy. Atap aitqanda, Kólsai jáne Qaiyńdy kólderi, Sharyn shatqaly, Túrgen shatqaly, Esik kóli, Qapshaǵai sý qoimasy, Balqash kóliniń jaǵalaýy, Kúrti aýmaǵy, Qaskeleń shatqaly jáne ózge de tanymal baǵyttarda sanitarlyq tazartý, qoqys shyǵarý, abattandyrý jáne kógaldandyrý jumystary júrgizildi.
Máselen, Qarasai aýdanynda 140 tonna, Kegen aýdanynda 113 tonna, Uiǵyr aýdanynda 28 tonnaǵa jýyq, Ile aýdanynda 82 tonna, Alataý qalasynda 71 tonna, Eńbekshiqazaq aýdanynda 173 tonna, Balqash aýdanynda 21,5 tonna, Raiymbek aýdanynda 20 tonna, Qonaev qalasynda shamamen 22 tonna, Talǵar aýdanynda 58 tonna, Jambyl aýdanynda 36 tonna qoqys shyǵaryldy.
Aktsiiaǵa júzdegen arnaiy tehnika jumyldyryldy, nátijesinde týristik baǵyttar men eldi mekenderde sanitarlyq tazartý, abattandyrý jáne kógaldandyrý jumystary keshendi túrde júrgizildi. Sondai-aq, 13 myńnan astam aǵash kósheti otyrǵyzyldy.
Aita keteiik, «Tazalyq kúnderi» aktsiiasy óńirdiń ekologiialyq jaǵdaiyn jaqsartýmen qatar, turǵyndardyń tabiǵatqa degen jaýapkershiligin arttyrýǵa jáne týristik aimaqtardyń tartymdylyǵyn saqtaýǵa baǵyttalǵan.
