الماتى وبلىسىندا ٷش كٷنگە سوزىلعان «تازالىق كٷندەرٸ» اكتسيياسىنا 39 مىڭعا جۋىق ٶڭٸر تۇرعىنى قاتىسىپ, تۋريستٸك باعىتتارداعى دەمالىس ورىندارىنان 760 توننادان استام قوقىس جينادى. بٷگٸن ٶڭٸر باسشىسى مارات سۇلتانعازيەۆ قاسكەلەڭ شاتقالىندا ٶتكەن سەنبٸلٸك بارىسىندا ٷش كٷن بويى تازالىق جۇمىستارىنا بەلسەندٸ قاتىسقان ازاماتتارعا العىسىن بٸلدٸردٸ, دەپ حابارلايدى dalanews.kz.
قورىتىندى شارادا اكتسيياعا ەرەكشە ٷلەس قوسقان ازاماتتار مەن ۇيىمدار تٷرلٸ نوميناتسييالار بويىنشا ماراپاتتالدى. اتاپ ايتقاندا, جامبىل اۋدانىنىڭ تۋماسى اسىلىم كٶشەرباي «ەڭ بەلسەندٸ جاس قاتىسۋشى», الاتاۋ قالاسىنىڭ تۇرعىنى ريزا ساۋىرباەۆا «ەڭ بەلسەندٸ ەگدە جاستاعى قاتىسۋشى», قاراساي اۋدانىنداعى «GOGO CENTRAL ASIA» بٸرلەستٸگٸنٸڭ ديرەكتورى الەكساندر ورلانوۆ «ەڭ بەلسەندٸ ەكوۆولونتەر» اتاندى. بالقاش اۋدانىنىڭ تۇرعىنى باقىتجان حامزين «ەڭ تازا اۋلا» نوميناتسيياسىن يەلەندٸ.
سونىمەن قاتار, ەڭبەكشٸقازاق اۋدانىنداعى اۆات اۋىلى «ەڭ بەلسەندٸ اۋىل», رايىمبەك اۋدانى قاينار اۋىلىنداعى رايىمبەك باتىر كٶشەسٸ «ەڭ تازا كٶشە», ۇيعىر اۋدانىنداعى «شارىن» مەملەكەتتٸك ۇلتتىق تابيعي پاركٸ «ەڭ بەلسەندٸ ۇجىم» بولىپ تانىلدى. ٸلە اۋدانى «ەڭ بەلسەندٸ اۋدان» اتانسا, قوناەۆ قالاسىنداعى «كٶشپەندٸلەر قالاشىعى» «ەڭ تازا تۋريستٸك نىسان», ال كەگەن اۋدانىنداعى «MERGEN HOLDING» جشس «ەڭ بەلسەندٸ بيزنەس ٶكٸلٸ» رەتٸندە ماراپاتقا يە بولدى.
وبلىس ەكٸمٸ اسپان مەن جەر استاسقان, قاراعايلى القاپقا ورانعان قاسكەلەڭ شاتقالى – ٶڭٸر تۇرعىندارى مەن قوناقتارى جيٸ كەلەتٸن كٶرٸكتٸ مەكەندەردٸڭ بٸرٸ, وسىنداي تابيعي ايماقتاردىڭ تازالىعىن ساقتاۋ – بٷگٸنگٸ اكتسييانىڭ باستى ماقساتتارىنىڭ بٸرٸ ەكەنٸن اتاپ ٶتتٸ.
«مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «تازا قازاقستان» ەكولوگييالىق باعدارلاماسى تەك سەنبٸلٸككە شىعۋ ەمەس. بۇل – ادام جان دٷنيەسٸنٸڭ, اقىل-ويىنىڭ دا تازارۋى. مۇنداي شارالار كٷندەلٸكتٸ ٶمٸرٸمٸزگە ەنٸپ, ەدەتٸمٸزگە اينالۋى كەرەك. وسىعان وراي ٷش كٷندٸك دەمالىستا “تازالىق كٷندەرٸن” جارييالاعان ەدٸك. ەسٸرەسە تۋريستٸك نىسانداردىڭ تازالىعى باستى نازاردا بولدى. بۇل جۇمىستاردى الداعى ۋاقىتتا دا جالعاستىرامىز», – دەدٸ مارات سۇلتانعازيەۆ.
سەنبٸلٸكتەر ٶڭٸردٸڭ تۋريستٸك ەلەۋەتٸ جوعارى ايماقتارىن قامتىدى. اتاپ ايتقاندا, كٶلساي جەنە قايىڭدى كٶلدەرٸ, شارىن شاتقالى, تٷرگەن شاتقالى, ەسٸك كٶلٸ, قاپشاعاي سۋ قويماسى, بالقاش كٶلٸنٸڭ جاعالاۋى, كٷرتٸ اۋماعى, قاسكەلەڭ شاتقالى جەنە ٶزگە دە تانىمال باعىتتاردا سانيتارلىق تازارتۋ, قوقىس شىعارۋ, اباتتاندىرۋ جەنە كٶگالداندىرۋ جۇمىستارى جٷرگٸزٸلدٸ.
مەسەلەن, قاراساي اۋدانىندا 140 توننا, كەگەن اۋدانىندا 113 توننا, ۇيعىر اۋدانىندا 28 تونناعا جۋىق, ٸلە اۋدانىندا 82 توننا, الاتاۋ قالاسىندا 71 توننا, ەڭبەكشٸقازاق اۋدانىندا 173 توننا, بالقاش اۋدانىندا 21,5 توننا, رايىمبەك اۋدانىندا 20 توننا, قوناەۆ قالاسىندا شامامەن 22 توننا, تالعار اۋدانىندا 58 توننا, جامبىل اۋدانىندا 36 توننا قوقىس شىعارىلدى.
اكتسيياعا جٷزدەگەن ارنايى تەحنيكا جۇمىلدىرىلدى, نەتيجەسٸندە تۋريستٸك باعىتتار مەن ەلدٸ مەكەندەردە سانيتارلىق تازارتۋ, اباتتاندىرۋ جەنە كٶگالداندىرۋ جۇمىستارى كەشەندٸ تٷردە جٷرگٸزٸلدٸ. سونداي-اق, 13 مىڭنان استام اعاش كٶشەتٸ وتىرعىزىلدى.
ايتا كەتەيٸك, «تازالىق كٷندەرٸ» اكتسيياسى ٶڭٸردٸڭ ەكولوگييالىق جاعدايىن جاقسارتۋمەن قاتار, تۇرعىنداردىڭ تابيعاتقا دەگەن جاۋاپكەرشٸلٸگٸن ارتتىرۋعا جەنە تۋريستٸك ايماقتاردىڭ تارتىمدىلىعىن ساقتاۋعا باعىتتالعان.
