[caption id="attachment_29748" align="aligncenter" width="477"]
"Oqýdy bitirip, bir úidiń balalaryndai bolǵan kýrstastar jan-jaqqa bytyrai bastaǵan kez bolatyn...
Bizdi únemi dinge tartyp ýaǵyz aitatyn qaisybir kýrstastarym birde meni Muhamedjan Tazabekpen kezdesýge alyp bardy.
"Bizdiń sózimizge nanbasań, bizden de myqtylardyń ýaǵyzyn tyńdap kór" dedi. Kelistim. Almatydaǵy "Baiqońyr" kinoteatrynyń qasyndaǵy halal kafeniń vip bólimine bardyq. Asta-tók dastarhan jaiylǵan. Ol kezde televiziiaǵa beiim kýrstastarymnyń Bekbolat Tileýhan men Muhamedjan Tazabek týraly aýyzdarynan sýy quryp, jer-kókke syiǵyzbai maqtaý-madaqtaýyn talai estip júrgen kezimiz.
Ózimiz de álgi "kósemderdiń" din týraly ýaǵyzdaryn talai estip, telefonǵa kóshirip alyp qaita-qaita tyńdaitynbyz. Tipti týǵan-týys, kórshilerge de qosyp berip, Muhamedjan Tazabektiń "Din-dińgegimdi" talai estitkenim esimde.
Álgi kýrstastastarymyzben, bir nandy bólisip jegen dostarmen bara-bara qarym-qatynasymyz burynǵydai bolmai bara jatty. Olardyń ýaǵyzdary bir saryndy. Qýalap kelgende sol dostarymyz salt-dástúrdi nadandyq dep tanityndyqtaryn ańǵartady. Sodan qyzylkeńirdek bolyp aitysyp jatqanymyz...
Sonda ataǵynan at úrketin, únemi jastardy imandylyqqa tartyp júretin Bekbolat Tileýhan men Muhamedjan Tazabekti jamandyqqa qimaitynmyn. Shákirtteri olardyń taǵylymdaryn durys túsinbegendikten qazaqtyń dástúrin, tól mádenietin joqqa shyǵaratyn bolar dep únemi olardy aqtap alýǵa balań kóńilimiz daiyn turatyn.
Álgi kafeniń vip zalynda bir top jastar jinaldyq. Bir kezde Muhamedjan aǵamyz kirdi. Amandyq-saýlyqtan keiin ol kisi ýaǵyz aitýdy bastamastan buryn "Munda bári ózimiz be?" dep surady. Bir-birine qaraǵan jastar "Ózimiz-ózimiz..." bas shulǵysty. Eshkim "munda artyq adam bar edi" aitpasy túsinikti ǵoi. Ármen qarai belgili ýaǵyz aitý jumysy bastalyp ketti. Uzaqqa sozylǵan ýaǵyzdan jalǵyz uqqanym "aqidany oqýymyz kerek" eken. Sodan biz "adasyp" júr ekenbiz.
Men túk bilmeitin keiipte "Kelinniń iilip sálem salýy durys pa?" dep suradym. Muhamdjan aǵamyz "Adam Qudaiǵa ǵana iilý kerek, qalǵanynyń bári shirk, serik qosý, eń úlken kúnániń biri - Qudaiǵa serik qosý" dep tótesinen soqty.
Odan keiin qazaqtyń ulttyq aspaptary týraly suradym. Bir kezde baqsylardyń quraly bolǵan mýzykalyq aspaptarymyz da "nadandyqtyń", "bilimsizdiktiń" belgisi eken. Baiaǵy ahidany oqymaǵannyń "saldary".
Qysqasy, sol kezdesýde kózimiz ashyldy. Ýaǵyzshyl kýrstastaryma "virýstyń" qaidan kelip jatqanyn sonda anyq kóz jetkizip qaittym..." dep jazǵan eken Arman Áýbákirov.
Budan buryn...
Aita ketsek, budan buryn zańger Aigúl Orynbek Tazabekovtiń ustanymyna qatysty pikir bildirgen.
"Keshe ǵana aty shýly terroristtiń postyn bólisip otyrǵan Muhamedjan aǵamdy ulttyq arnada jańa ashylyp jatqan dini baǵdarlamaǵa júrgizýshi qylmaqshy eken...
Bul ras aqparat pa? Ulttyq arna basshysy Erlan Karin aǵa sizge suraq!
UQK, din ministrligi ne qarap otyrsyzdar ? Əlde Tazabekovtyń kim ekenin bilmeisizder me? Ol qazir óziniń hanafit ekenin aityp halyqty aldap otyr. Asyl arnada salafi ýaǵyzshysy Daryn Mubarovtyń Muhammedjanmen birge otyrǵan videosy iýtýbta tur. Muhammedjannyń qainaǵasy Bekbolattyń Daryndy ustazym dep aitqany, ýahavizimdi bizdi qutqaratyn din dep aitqany bólek áńgime. Ol da iýtýbta tur. Imam Qanat Jumaǵulovtyń 2 jyl buryn feisbýk paraqshasynda jariialaǵan myna suraqtaryna áli kúnge deiin lám-mim dep jaýap bergen joq. Únsiz qutylýǵa tyrysty" – dep jazǵan Aigúl Orynbek.
Jazba avtordyń áleýmettik jelidegi paraqshasynan alyndy
(Redaktsiia kózqarasy men avtordyń pikiri sáikese bermeitinin eskertemiz)
