Túrkistan oblysynda kóktemgi aǵash egý, kógaldandyrý jumystary qarqyndy júrip jatyr,- dep habarlaidy Dalanews.kz
Óńir basshysy Nuralhan Kósherov oblys ortalyǵynda uiymdastyrylǵan «Taza Qazaqstan» baǵdarlamasy aiasyndaǵy ekologiialyq aktsiiaǵa qatysyp, aǵash otyrǵyzdy. Bul igi iske quqyq qorǵaý organdarynyń basshylary, Túrkistan oblysy men qala ákimdiginiń ókilderi, depýtattar, aǵa býyn ókilderi, stýdentter, belsendi jastar, assambleia músheleri jáne kógaldandyrýǵa jaýapty mekeme qyzmetkerleri qatysty.
Odan soń oblys ákim Túrkistan qalasynda kóktem-jaz mezgiline daiyndyq aiasynda jasyl alańdardy kútip-ustaýǵa qajetti tehnikalar men qural-jabdyqtar men tehnikalar kórmesin kórdi. Jaýapty mamandardyń usynys-pikirlerin tyńdady.
Kórmede úlgilik 25 túrli tehnika men qural-jabdyqtyń 200 danasy tanystyryldy. Bul – kógaldar men saiabaqtardy kútip-ustaýda qoldanylatyn eń tiimdi ári joǵary sapaly jabdyqtar.
Kórme barsynda kógaldandyrý jumystarynyń erekshelikteri men tehnologiiasy jáne aǵashtardy, kógaldardy, gúlderdi jáne butalardy kútip-ustaýdyń negizgi tehnologiialary men tásilderi, jumys baby keńinen túsindirildi. Sondai-aq, sándik gúlderdi egý jumystary men kútip-baptaýdyń úlgileri kórsetildi.
Túrkistan qalasynda tazalyq jumystarymen qatar, jasyl alańdardy kútip-baptaý baǵytynda aýqymdy jumystar atqarylýda. Qala aýmaǵynda jalpy 34 saiabaq, 75 skver men alleia, 163 kóshe jáne 16 jasyl alań bar. Budan basqa, qalada skverler men alleialar, 288 jasyl alań men 92 sýburqaq ornalasqan. Aǵash egý, gúl egý, kógaldandyrý jumystaryna yńǵaily jáne jańa tehnikalar, tyńaitqyshtar qoldanylýda.
Biylǵy kóktemdegi alǵashqy ekologiialyq aktsiia barysynda Túrkistan qalasynyń birneshe aýmaǵynda 5000-nan asa kóshet otyrǵyzyldy.
Aita keteiik, biyl «Taza Qazaqstan» baǵdarlamasy aiasynda oblys boiynsha 1 millionnan asa kóshet egiledi dep kútilýde. Onyń ishinde kóktem mezgilinde – 631 100 túp jáne kúz mezgilinde 626 600 aǵash otyrǵyzý josparlanǵan. Túrkistan oblysynda «Taza Qazaqstan» baǵdarlamasy aiasynda kúndelikti ótetin 7263 tazalyq is-shara kestesi bekitildi. Sondai-aq 34 aýqymdy is-shara josparlanǵan. Jalpy bul jumystar aiasynda tazalyqty qamtamasyz etý, abattandyrý, nysandardyń qasbetterdi kútip ustaý, jaryqtandyrý, jol belgilerin retke keltirý, joldarǵa aǵymdaǵy jóndeý jumystaryn júrgizýge basymdyq beriledi. Óńirde tazalyq jumystary is-shara josparyna sáikes, turaqty túrde atqarylyp jatyr. Aýdan, qalalardaǵy sanitarlyq tazalyq jumystarynyń deńgeiin tekserý jospary bekitilgen.
Odan bólek, biyl qoǵamdyq oryndarda sanitarlyq tazalyq talaptaryn saqtamaǵan azamattarǵa 2721 hattama toltyrylyp, 58,8 mln teńge aiyppul salyndy. 24,9 mln teńge aiyppul óndirildi. Qazirgi tańda bul baǵytta jumystar júrip jatyr.
