Túrkistan oblysy ákimi Darhan Satybaldynyń tapsyrmasyna sáikes «Taza Qazaqstan» baǵdarlamasyn uiymdastyrý boiynsha aýdan, qala ákimderiniń reitingi ázirlendi. Ákimderdiń jumysyn baǵalaý barysynda aýdanda uiymdastyrylǵan senbiliktiń turǵyndardyń qatysýy, senbilikke tartylǵan tehnika sany, Politsiia departamenti tarapynan quqyq buzýshylyqtardy anyqtaý, «Birge – taza Qazaqstan!» aqparattyq júiesine túsken ótinimder boiynsha keri bailanys ornatý, turǵyn úilerdiń jáne kásipkerlik nysandarynyń irgeles aýmaqtarynyń tazalyǵyna monitoring júrgizý siiaqty kriteriiler basshylyqqa alyndy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Baǵdarlamany uiymdastyrý boiynsha aýdan, qala ákimderiniń reitingisi týraly oblys ákiminiń birinshi orynbasary Zulpyhar Joldasov apparat jiynynda baiandady.
Onyń aitýynsha, Túrkistan qalasy jáne Báidibek, Maqtaaral, Jetisai, aýdandarynyń baǵdarlamany uiymdastyrý kórsetkishteri joǵary deńgeidi kórsetse, Saryaǵash, Shardara, Túlkibas aýdandary jáne Arys, Kentaý qalalary orta deńgeidegi kórsetkishterge qol jetkizdi. Al, aýdandarda jumys tómen.
Aimaq basshysy qoqys úiindileri jii paida bolatyn aýmaqtarǵa jergilikti politsiia kúshterin tarta otyryp, reidtik jumystaryn júrgizýdi, qoqys tastamaý jóninde belgiler ornatýdy jáne úgit-nasihat jumystaryn kúsheitýdi tapsyrdy.
Búgingi tańda «Taza Qazaqstan» telegramm bot platformasyna 543 ótinim túsken. Onyń ishinde, 526 ótinim oryndaldy, 1 ótinim – oryndalý barysynda, 16 ótinim maǵynasyz bolǵandyqtan, qaitarylǵan.
«Taza Qazaqstan» baǵdarlamasy aiasynda jumystar oblys kóleminde kúndelikti ótkizilýde. Naqtyraq atqanda, qazirgi tańda oblysta jalpy 712 aýqymdy senbilik ótkizildi. Aýdan men qalalarǵa kireberis aýmaqtaryn retteý, tazalaý jumystary júrgizildi. Sonymen qatar biyl qoǵamdyq oryndarda zań talaptaryn buzǵan tulǵalarǵa 26 myńǵa jýyq hattama toltyrylyp 305,7 mln teńgege aiyppul salyndy. Abattandyrý qaǵidasyna sáikes irgeles jatqan aýmaqtyń tazalyǵy boiynsha 60 902 jeke turǵyn úi men 29 954 kásipkerlik obektisine monitoring júrgizildi. Nátijesinde, 1 381 eskertý berilip jáne 647 aiyppul salyndy. Qaǵidanyń sapaly oryndaý baǵytyndaǵy jumystar kúndelikti júrgizilýde.
Budan bólek, kóppáterli 120 turǵyn úidiń syrtqy kelbetterin retke keltirilip jaiyr. Onyń ishinde, 81 turǵyn úidiń syrtqy kelbeti retke keltirildi. Bul jumystar jyl sońyna deiin tolyq aiaqtalady.
Qazirgi ýaqytta eldi mekenderdi kógaldandyrý boiynsha 467 535 túp aǵash otyrǵyzylatyn oryndar belgilenip, tiisti jumys júrgizilýde.
Jaýapty basqarma qyzmetkerleri Saryaǵash jáne Keles aýdandaryn qarasty eldi mekenderdiń sanitarlyq tazalyǵynyń jai-kúiine monitoring jumystaryn júrgizdi. Anyqtalǵan kemshilikterdi retke keltirý jumystary atqaryldy.
Jalpy tazalyq jumystarynyń turaqty júrgizilýi, abattandyrý jáne kógaldandyrý jumystarynyń barysy oblys ákimi Darhan Satybaldynyń jiti baqylaýyna alynǵan.
Aita keteiik, qazan aiyndaǵy kórsetkishter boiynsha baǵdarlamany uiymdastyrýda Túrkistan oblysy elimizde eń úzdik dep tanyldy.
Jiynda Zulpyhar Joldasov jylytý maýsymynyń barysy týraly baiandady. Biýdjettik mekemeler, turǵyn úiler men jylyjailardy qosa eseptegende óńirde jylytý maýsymyna qajetti kómir kólemi 684,1 myń tonnany qurap otyr. Qazirgi ýaqytta 434,1 myń tonna kómir jetkizilgen. Aimaqtaǵy áleýmettik mańyzy bar nysandar: bilim, densaýlyq, mádeniet jáne sport mekemeleri kómirmen tolyq qamtamasyz etilgen.
