تۇركىستان وبلىسى اكىمى دارحان ساتىبالدىنىڭ تاپسىرماسىنا سايكەس «تازا قازاقستان» باعدارلاماسىن ۇيىمداستىرۋ بويىنشا اۋدان، قالا اكىمدەرىنىڭ رەيتينگى ازىرلەندى. اكىمدەردىڭ جۇمىسىن باعالاۋ بارىسىندا اۋداندا ۇيىمداستىرىلعان سەنبىلىكتىڭ تۇرعىنداردىڭ قاتىسۋى، سەنبىلىككە تارتىلعان تەحنيكا سانى، پوليسيا دەپارتامەنتى تاراپىنان قۇقىق بۇزۋشىلىقتاردى انىقتاۋ، «Birge – taza Qazaqstan!» اقپاراتتىق جۇيەسىنە تۇسكەن وتىنىمدەر بويىنشا كەرى بايلانىس ورناتۋ، تۇرعىن ۇيلەردىڭ جانە كاسىپكەرلىك نىساندارىنىڭ ىرگەلەس اۋماقتارىنىڭ تازالىعىنا مونيتورينگ جۇرگىزۋ سياقتى كريتەرييلەر باسشىلىققا الىندى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
باعدارلامانى ۇيىمداستىرۋ بويىنشا اۋدان، قالا اكىمدەرىنىڭ رەيتينگىسى تۋرالى وبلىس اكىمىنىڭ ءبىرىنشى ورىنباسارى زۇلپىحار جولداسوۆ اپپارات جيىنىندا باياندادى.
ونىڭ ايتۋىنشا، تۇركىستان قالاسى جانە بايدىبەك، ماقتاارال، جەتىساي، اۋداندارىنىڭ باعدارلامانى ۇيىمداستىرۋ كورسەتكىشتەرى جوعارى دەڭگەيدى كورسەتسە، سارىاعاش، شاردارا، تۇلكىباس اۋداندارى جانە ارىس، كەنتاۋ قالالارى ورتا دەڭگەيدەگى كورسەتكىشتەرگە قول جەتكىزدى. ال، اۋدانداردا جۇمىس تومەن.
ايماق باسشىسى قوقىس ۇيىندىلەرى ءجيى پايدا بولاتىن اۋماقتارعا جەرگىلىكتى پوليسيا كۇشتەرىن تارتا وتىرىپ، رەيدتىك جۇمىستارىن جۇرگىزۋدى، قوقىس تاستاماۋ جونىندە بەلگىلەر ورناتۋدى جانە ۇگىت-ناسيحات جۇمىستارىن كۇشەيتۋدى تاپسىردى.
بۇگىنگى تاڭدا «Taza Qazaqstan» تەلەگرامم بوت پلاتفورماسىنا 543 ءوتىنىم تۇسكەن. ونىڭ ىشىندە، 526 ءوتىنىم ورىندالدى، 1 ءوتىنىم – ورىندالۋ بارىسىندا، 16 ءوتىنىم ماعىناسىز بولعاندىقتان، قايتارىلعان.
«تازا قازاقستان» باعدارلاماسى اياسىندا جۇمىستار وبلىس كولەمىندە كۇندەلىكتى وتكىزىلۋدە. ناقتىراق اتقاندا، قازىرگى تاڭدا وبلىستا جالپى 712 اۋقىمدى سەنبىلىك وتكىزىلدى. اۋدان مەن قالالارعا كىرەبەرىس اۋماقتارىن رەتتەۋ، تازالاۋ جۇمىستارى جۇرگىزىلدى. سونىمەن قاتار بيىل قوعامدىق ورىنداردا زاڭ تالاپتارىن بۇزعان تۇلعالارعا 26 مىڭعا جۋىق حاتتاما تولتىرىلىپ 305،7 ملن تەڭگەگە ايىپپۇل سالىندى. اباتتاندىرۋ قاعيداسىنا سايكەس ىرگەلەس جاتقان اۋماقتىڭ تازالىعى بويىنشا 60 902 جەكە تۇرعىن ءۇي مەن 29 954 كاسىپكەرلىك وبەكتىسىنە مونيتورينگ جۇرگىزىلدى. ناتيجەسىندە، 1 381 ەسكەرتۋ بەرىلىپ جانە 647 ايىپپۇل سالىندى. قاعيدانىڭ ساپالى ورىنداۋ باعىتىنداعى جۇمىستار كۇندەلىكتى جۇرگىزىلۋدە.
بۇدان بولەك، كوپپاتەرلى 120 تۇرعىن ءۇيدىڭ سىرتقى كەلبەتتەرىن رەتكە كەلتىرىلىپ جايىر. ونىڭ ىشىندە، 81 تۇرعىن ءۇيدىڭ سىرتقى كەلبەتى رەتكە كەلتىرىلدى. بۇل جۇمىستار جىل سوڭىنا دەيىن تولىق اياقتالادى.
قازىرگى ۋاقىتتا ەلدى مەكەندەردى كوگالداندىرۋ بويىنشا 467 535 ءتۇپ اعاش وتىرعىزىلاتىن ورىندار بەلگىلەنىپ، ءتيىستى جۇمىس جۇرگىزىلۋدە.
جاۋاپتى باسقارما قىزمەتكەرلەرى سارىاعاش جانە كەلەس اۋداندارىن قاراستى ەلدى مەكەندەردىڭ سانيتارلىق تازالىعىنىڭ جاي-كۇيىنە مونيتورينگ جۇمىستارىن جۇرگىزدى. انىقتالعان كەمشىلىكتەردى رەتكە كەلتىرۋ جۇمىستارى اتقارىلدى.
جالپى تازالىق جۇمىستارىنىڭ تۇراقتى جۇرگىزىلۋى، اباتتاندىرۋ جانە كوگالداندىرۋ جۇمىستارىنىڭ بارىسى وبلىس اكىمى دارحان ساتىبالدىنىڭ ءجىتى باقىلاۋىنا الىنعان.
ايتا كەتەيىك، قازان ايىنداعى كورسەتكىشتەر بويىنشا باعدارلامانى ۇيىمداستىرۋدا تۇركىستان وبلىسى ەلىمىزدە ەڭ ۇزدىك دەپ تانىلدى.
جيىندا زۇلپىحار جولداسوۆ جىلىتۋ ماۋسىمىنىڭ بارىسى تۋرالى باياندادى. بيۋدجەتتىك مەكەمەلەر، تۇرعىن ۇيلەر مەن جىلىجايلاردى قوسا ەسەپتەگەندە وڭىردە جىلىتۋ ماۋسىمىنا قاجەتتى كومىر كولەمى 684،1 مىڭ توننانى قۇراپ وتىر. قازىرگى ۋاقىتتا 434،1 مىڭ توننا كومىر جەتكىزىلگەن. ايماقتاعى الەۋمەتتىك ماڭىزى بار نىساندار: ءبىلىم، دەنساۋلىق، مادەنيەت جانە سپورت مەكەمەلەرى كومىرمەن تولىق قامتاماسىز ەتىلگەن.
