Shyǵys Qazaqstan oblysynda «Taza Qazaqstan» respýblikalyq ekologiialyq aktsiiasy aiasynda abattandyrý, kógaldandyrý jumystary úzdiksiz júrgizilip jatyr.
Tazalyq naýqanyna biri kisidei atsalysyp jatqan aýdannyń biri – Ulan. Ótkende aýdan jurtshylyǵy Sibe kólderiniń jaǵasyn tazartyp, 20 myńnan astam kóshet ekti.
Búgin balalar lageri ornalasqan Shybyndykól aýmaǵyn tazartyldy. Is-sharaǵa stýdentter, oqýshylar, jastar uiymdarynyń músheleri, eko-belsendiler, eriktiler – jalpy sany elýge jýyq adam belsene qatysty.
– «Taza Qazaqstan» ekologiialyq aktsiiasy aiasynda Ulan aýdanyndaǵy «Aqbaýyr» kesheninde, Sibe kólderiniń jaǵalaýynda tazalyq jumystary ótkizilip, jiyrma myń kóshet otyrǵyzyldy. Búgin jaǵalaýda 200 qap qoqys jinaldy. Sonymen qatar dál osy jerde álemniń bes memleketinen kelgen sportshylar arasynda sporttyq oiyndar ótýde, – dedi Ulan aýdandyq Ishki Saiasat bóliminiń basshysy Qanat Oralbek.
Aktsiianyń arnaiy qonaǵy bolǵanyn aita ketýimiz kerek. Ol – Stokgolmdan kelgen sportshy Iogan Martenson. Tabiǵatty qorǵaý- adamnyń basty mindeti dep esepteitin sheteldik azamat «Taza Qazaqstan» aktsiiasyna qatysqanyn maqtanysh tutatynyn aitty.
Bul aktsiia týraly estigen soń, birden qatysamyz degen sheshimge keldik. Búgin, mine, sportshylar ózimiz ǵana elý qap qoqys jinadyq. Qazaqstan aýmaǵyn tazalaýǵa óz úlesimizdi qosqanymyzǵa qýanyshtymyz, – deidi Stokgolmnan sportshylardy bastap kelgen Iogan Martenson.
Mýzykalyq súiemeldeýmen ótken senbilik shaǵyn merekelik is-sharaǵa ainalǵandai. Shybyndykól jaǵasynda 200 qap qoqys jinaldy. Belsendiler jinaǵan qoqys arnaiy oryndarǵa jetkiziletin bolady.
– Óz elin, jerin súietin kez-kelgen azamat tabiǵatyn da aialai bilý kerek dep esepteimin. Aktsiiaǵa qatysqanyma qýanyshtymyn – dedi Tarǵyn aýyldyq okrýginiń turǵyny, erikti Tolqyn Meiirbaeva.
Óńirdegi ózen-kólder men toǵandardyń jaǵasyn, bulaqtardyń mańyn tazartý jáne abattandyrý jumystary aldaǵy ýaqytta da jalǵasyn tabady.
