شىعىس قازاقستان وبلىسىندا «تازا قازاقستان» رەسپۋبليكالىق ەكولوگييالىق اكتسيياسى اياسىندا اباتتاندىرۋ, كٶگالداندىرۋ جۇمىستارى ٷزدٸكسٸز جٷرگٸزٸلٸپ جاتىر.
تازالىق ناۋقانىنا بٸرٸ كٸسٸدەي اتسالىسىپ جاتقان اۋداننىڭ بٸرٸ – ۇلان. ٶتكەندە اۋدان جۇرتشىلىعى سٸبە كٶلدەرٸنٸڭ جاعاسىن تازارتىپ, 20 مىڭنان استام كٶشەت ەكتٸ.
بٷگٸن بالالار لاگەرٸ ورنالاسقان شىبىندىكٶل اۋماعىن تازارتىلدى. ٸس-شاراعا ستۋدەنتتەر, وقۋشىلار, جاستار ۇيىمدارىنىڭ مٷشەلەرٸ, ەكو-بەلسەندٸلەر, ەرٸكتٸلەر – جالپى سانى ەلۋگە جۋىق ادام بەلسەنە قاتىستى.
– «تازا قازاقستان» ەكولوگييالىق اكتسيياسى اياسىندا ۇلان اۋدانىنداعى «اقباۋىر» كەشەنٸندە, سٸبە كٶلدەرٸنٸڭ جاعالاۋىندا تازالىق جۇمىستارى ٶتكٸزٸلٸپ, جيىرما مىڭ كٶشەت وتىرعىزىلدى. بٷگٸن جاعالاۋدا 200 قاپ قوقىس جينالدى. سونىمەن قاتار دەل وسى جەردە ەلەمنٸڭ بەس مەملەكەتٸنەن كەلگەن سپورتشىلار اراسىندا سپورتتىق ويىندار ٶتۋدە, – دەدٸ ۇلان اۋداندىق ٸشكٸ ساياسات بٶلٸمٸنٸڭ باسشىسى قانات ورالبەك.
اكتسييانىڭ ارنايى قوناعى بولعانىن ايتا كەتۋٸمٸز كەرەك. ول – ستوكگولمدان كەلگەن سپورتشى يوگان مارتەنسون. تابيعاتتى قورعاۋ- ادامنىڭ باستى مٸندەتٸ دەپ ەسەپتەيتٸن شەتەلدٸك ازامات «تازا قازاقستان» اكتسيياسىنا قاتىسقانىن ماقتانىش تۇتاتىنىن ايتتى.
بۇل اكتسييا تۋرالى ەستٸگەن سوڭ, بٸردەن قاتىسامىز دەگەن شەشٸمگە كەلدٸك. بٷگٸن, مٸنە, سپورتشىلار ٶزٸمٸز عانا ەلۋ قاپ قوقىس جينادىق. قازاقستان اۋماعىن تازالاۋعا ٶز ٷلەسٸمٸزدٸ قوسقانىمىزعا قۋانىشتىمىز, – دەيدٸ ستوكگولمنان سپورتشىلاردى باستاپ كەلگەن يوگان مارتەنسون.
مۋزىكالىق سٷيەمەلدەۋمەن ٶتكەن سەنبٸلٸك شاعىن مەرەكەلٸك ٸس-شاراعا اينالعانداي. شىبىندىكٶل جاعاسىندا 200 قاپ قوقىس جينالدى. بەلسەندٸلەر جيناعان قوقىس ارنايى ورىندارعا جەتكٸزٸلەتٸن بولادى.
– ٶز ەلٸن, جەرٸن سٷيەتٸن كەز-كەلگەن ازامات تابيعاتىن دا ايالاي بٸلۋ كەرەك دەپ ەسەپتەيمٸن. اكتسيياعا قاتىسقانىما قۋانىشتىمىن – دەدٸ تارعىن اۋىلدىق وكرۋگٸنٸڭ تۇرعىنى, ەرٸكتٸ تولقىن مەيٸرباەۆا.
ٶڭٸردەگٸ ٶزەن-كٶلدەر مەن توعانداردىڭ جاعاسىن, بۇلاقتاردىڭ ماڭىن تازارتۋ جەنە اباتتاندىرۋ جۇمىستارى الداعى ۋاقىتتا دا جالعاسىن تابادى.
