Qonaev qalasynda 7,6 gektar qamys shabyldy,- dep habarlaidy Dalanews.kz
Qonaev qalasynda qamysty oryp, shetki aýdandardy qoqystan tazartýǵa asa kóńil bólinip jatyr.
Senbi kúni ákimdiktiń barlyq memlekettik qyzmetshileri, kommýnaldyq qyzmet kórsetýshi kompaniia mamandary, eriktiler «Taza Qazaqstan» baǵdarlamasy aiasynda senbilikke shyqty. Sharaǵa 80-nen astam adam qatysty. Olar Arna shaǵynaýdanynda qamysty ordy.
Jalpy kúndelikti qamysty orýmen «Jasyl qala Qonaev» ShJQ MKK ainalysyp jatyr.
Aita keteiik, qaladan kúnine 5-7 tekshe metr qoqys shyǵarylyp jatyr. Ákimdik turǵyndardan tazalyq mádenietin saqtaýǵa, belgilenbegen orynǵa qoqys tastamaýdy surady.
Statistikaǵa súiensek, jyl basynan Qonaev politseileri QR ÁQBtK-niń 505-babyna (Qalalar men eldi mekenderdiń aýmaqtaryn abattandyrý qaǵidalaryn buzý, sondai-aq qalalar men eldi mekender infraqurylymy obektilerin buzý, jasyl ekpelerin joiý jáne búldirý) sai, 133 tulǵaǵa qatysty hattama toltyryp, 10 adamǵa 589 800 tg kóleminde aiyppul salǵan. Budan bólek, QR ÁQBtK-niń 434-2 babyna (Ortaq paidalanylatyn oryndardy lastaý) sáikes, 43 adamǵa 1 135 480 tg. aiyppul salynǵan.
