قونايەۆ قالاسىندا 7،6 گەكتار قامىس شابىلدى،- دەپ حابارلايدى Dalanews.kz 

قونايەۆ قالاسىندا قامىستى ورىپ، شەتكى اۋدانداردى قوقىستان تازارتۋعا اسا كوڭىل ءبولىنىپ جاتىر.

سەنبى كۇنى اكىمدىكتىڭ بارلىق مەملەكەتتىك قىزمەتشىلەرى، كوممۋنالدىق قىزمەت كورسەتۋشى كومپانيا ماماندارى، ەرىكتىلەر «تازا قازاقستان» باعدارلاماسى اياسىندا سەنبىلىككە شىقتى. شاراعا 80-نەن استام ادام قاتىستى. ولار ارنا شاعىناۋدانىندا قامىستى وردى.

جالپى كۇندەلىكتى قامىستى ورۋمەن «جاسىل قالا قونايەۆ» شجق مكك اينالىسىپ جاتىر.

ايتا كەتەيىك، قالادان كۇنىنە 5-7 تەكشە مەتر قوقىس شىعارىلىپ جاتىر. اكىمدىك تۇرعىنداردان تازالىق مادەنيەتىن ساقتاۋعا، بەلگىلەنبەگەن ورىنعا قوقىس تاستاماۋدى سۇرادى.

ستاتيستيكاعا سۇيەنسەك، جىل باسىنان قونايەۆ پوليسەيلەرى ق ر اقبتك-نىڭ 505-بابىنا (قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ، سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ، جاسىل ەكپەلەرىن جويۋ جانە ءبۇلدىرۋ) ساي، 133 تۇلعاعا قاتىستى حاتتاما تولتىرىپ، 10 ادامعا 589 800 تگ كولەمىندە ايىپپۇل سالعان. بۇدان بولەك، ق ر اقبتك-نىڭ 434-2 بابىنا (ورتاق پايدالانىلاتىن ورىنداردى لاستاۋ) سايكەس، 43 ادامعا 1 135 480 تگ. ايىپپۇل سالىنعان.