M.Ótemisov atyndaǵy Batys Qazaqstan ýniversitetinde «Taza Qazaqstan» ekologiialyq mádenietti damytý tujyrymdamasyn iske asyrý aiasynda «EkoJaiyq» ekologiialyq klýby quryldy. Bul týraly QR Ǵylym jáne joǵary bilim ministrligi jazdy,- dep habarlaidy Dalanews.kz
Bul mańyzdy oqiǵa ekologiialyq klýbtardyń jelisin qurýǵa baǵyttalǵan respýblikalyq bastamanyń bir bóligi, onyń maqsaty – stýdenttik jobalardy qoldaý arqyly ekologiialyq mádenietti damytýǵa yqpal etý.
«Ekologiialyq klýbtar stýdentter arasynda ekologiialyq sanany qalyptastyrýda, tabiǵatty qorǵaýǵa jaýapkershilikti sezinýge tárbieleýde, qorshaǵan ortany qorǵaýǵa yntalandyrýda jáne ekologiialyq saýattylyq deńgeiin arttyrýda mańyzdy ról atqarady», – deidi klýb bastamashylary.
Klýbtyń negizgi maqsaty – stýdentter arasynda tabiǵatqa degen qamqorlyq mádenietin qalyptastyrýǵa baǵyttalǵan is-sharalar men jobalardy júzege asyrý. Alǵashqy qadam retinde klýb «Taza Qazaqstan» respýblikalyq aktsiiasyn júzege asyrý aiasynda turmystyq qaldyqtardy suryptaý boiynsha áleýmettik jobany bastady. Joba qaldyqtardy jinaý ǵana emes, olardy qaita óńdeýge jiberý úshin suryptaýdy qamtidy, bul tabiǵi resýrstardy únemdeýge jáne óńirdegi ekologiialyq tazalyqty saqtaýǵa yqpal etedi.
Klýbtyń alǵashqy otyrysynda stýdentter arasynda qaldyqtardy durys suryptaýdyń mańyzdylyǵyn túsindiretin aqparattyq jumystar júrgizildi.
«Árbir stýdent qaldyqtardy suryptaý jáne ekologiialyq turǵydan durys ómir súrý qaǵidattaryna súiene otyryp, elimizdiń bolashaǵyna mańyzdy úles qosa alady. Taza jáne jasyl Qazaqstandy qurý úshin árqaisymyzdyń birlesken kúsh-jigerimiz qajet», – deidi «EkoJaiyq» klýbynyń jetekshisi Sabihan Rahym.
«EkoJaiyq» klýby stýdentter arasynda ekologiialyq belsendilikti arttyrýdy qorshaǵan ortaǵa qamqorlyq mádenietin turaqty túrde damytý jáne elimizdiń tabiǵi bailyqtaryn saqtaýǵa yqpal etý josparlarymen jumysyn jalǵastyrady.
