م.وتەمىسوۆ اتىنداعى باتىس قازاقستان ۋنيۆەرسيتەتىندە «تازا قازاقستان» ەكولوگيالىق مادەنيەتتى دامىتۋ تۇجىرىمداماسىن ىسكە اسىرۋ اياسىندا «ەكوجايىق» ەكولوگيالىق كلۋبى قۇرىلدى. بۇل تۋرالى ق ر عىلىم جانە جوعارى ءبىلىم مينيسترلىگى جازدى،- دەپ حابارلايدى Dalanews.kz
بۇل ماڭىزدى وقيعا ەكولوگيالىق كلۋبتاردىڭ جەلىسىن قۇرۋعا باعىتتالعان رەسپۋبليكالىق باستامانىڭ ءبىر بولىگى، ونىڭ ماقساتى – ستۋدەنتتىك جوبالاردى قولداۋ ارقىلى ەكولوگيالىق مادەنيەتتى دامىتۋعا ىقپال ەتۋ.
«ەكولوگيالىق كلۋبتار ستۋدەنتتەر اراسىندا ەكولوگيالىق سانانى قالىپتاستىرۋدا، تابيعاتتى قورعاۋعا جاۋاپكەرشىلىكتى سەزىنۋگە تاربيەلەۋدە، قورشاعان ورتانى قورعاۋعا ىنتالاندىرۋدا جانە ەكولوگيالىق ساۋاتتىلىق دەڭگەيىن ارتتىرۋدا ماڭىزدى ءرول اتقارادى»، – دەيدى كلۋب باستاماشىلارى.
كلۋبتىڭ نەگىزگى ماقساتى – ستۋدەنتتەر اراسىندا تابيعاتقا دەگەن قامقورلىق مادەنيەتىن قالىپتاستىرۋعا باعىتتالعان ءىس-شارالار مەن جوبالاردى جۇزەگە اسىرۋ. العاشقى قادام رەتىندە كلۋب «تازا قازاقستان» رەسپۋبليكالىق اكسياسىن جۇزەگە اسىرۋ اياسىندا تۇرمىستىق قالدىقتاردى سۇرىپتاۋ بويىنشا الەۋمەتتىك جوبانى باستادى. جوبا قالدىقتاردى جيناۋ عانا ەمەس، ولاردى قايتا وڭدەۋگە جىبەرۋ ءۇشىن سۇرىپتاۋدى قامتيدى، بۇل تابيعي رەسۋرستاردى ۇنەمدەۋگە جانە وڭىردەگى ەكولوگيالىق تازالىقتى ساقتاۋعا ىقپال ەتەدى.
كلۋبتىڭ العاشقى وتىرىسىندا ستۋدەنتتەر اراسىندا قالدىقتاردى دۇرىس سۇرىپتاۋدىڭ ماڭىزدىلىعىن تۇسىندىرەتىن اقپاراتتىق جۇمىستار جۇرگىزىلدى.
«ءاربىر ستۋدەنت قالدىقتاردى سۇرىپتاۋ جانە ەكولوگيالىق تۇرعىدان دۇرىس ءومىر ءسۇرۋ قاعيداتتارىنا سۇيەنە وتىرىپ، ەلىمىزدىڭ بولاشاعىنا ماڭىزدى ۇلەس قوسا الادى. تازا جانە جاسىل قازاقستاندى قۇرۋ ءۇشىن ءارقايسىمىزدىڭ بىرلەسكەن كۇش-جىگەرىمىز قاجەت»، – دەيدى «ەكوجايىق» كلۋبىنىڭ جەتەكشىسى سابيحان راحىم.
«ەكوجايىق» كلۋبى ستۋدەنتتەر اراسىندا ەكولوگيالىق بەلسەندىلىكتى ارتتىرۋدى قورشاعان ورتاعا قامقورلىق مادەنيەتىن تۇراقتى تۇردە دامىتۋ جانە ەلىمىزدىڭ تابيعي بايلىقتارىن ساقتاۋعا ىقپال ەتۋ جوسپارلارىمەن جۇمىسىن جالعاستىرادى.
