Tailandtyń Phýket aralynda alaiaqtyq isi boiynsha Interpoldyń «qyzyl habarlamasymen» halyqaralyq izdeýde júrgen Qazaqstan azamaty ustaldy, dep habarlaidy Dalanews.kz.
Tai quqyq qorǵaý organdary kúdiktiniń Phýket provintsiiasynda júrgeni týraly jedel aqparat alǵannan keiin onyń júrgen jerin anyqtaǵan. BAQ málimetinshe, er adam óz elinde quqyq qorǵaý organdarynan uzaq ýaqyt boiy boi tasalap kelgen.
Dúisenbi, 15 jeltoqsanda politsiia qyzmetkerleri kúdiktini Mýang aýdanyndaǵy qonaqúilerdiń birinen taýyp, qamaýǵa alǵan.
Ustalǵannan keiin Tailandtyń kóshi-qon qyzmeti onyń el aýmaǵynda bolýyna berilgen ruqsatty joidy. Qazirgi ýaqytta Tailand biligi Qazaqstannyń Tailandtaǵy elshiligimen birlesip, kúdiktini deportatsiialaý jáne ony otanyna qaitaryp, jaýapkershilikke tartý máselesin pysyqtap jatyr.
