تايلاندتىڭ پحۋكەت ارالىندا الاياقتىق ءىسى بويىنشا ينتەرپولدىڭ «قىزىل حابارلاماسىمەن» حالىقارالىق ىزدەۋدە جۇرگەن قازاقستان ازاماتى ۇستالدى، دەپ حابارلايدى Dalanews.kz.
تاي قۇقىق قورعاۋ ورگاندارى كۇدىكتىنىڭ پحۋكەت پروۆينسياسىندا جۇرگەنى تۋرالى جەدەل اقپارات العاننان كەيىن ونىڭ جۇرگەن جەرىن انىقتاعان. ب ا ق مالىمەتىنشە، ەر ادام ءوز ەلىندە قۇقىق قورعاۋ ورگاندارىنان ۇزاق ۋاقىت بويى بوي تاسالاپ كەلگەن.
دۇيسەنبى، 15 جەلتوقساندا پوليسيا قىزمەتكەرلەرى كۇدىكتىنى مۋانگ اۋدانىنداعى قوناقۇيلەردىڭ بىرىنەن تاۋىپ، قاماۋعا العان.
ۇستالعاننان كەيىن تايلاندتىڭ كوشى-قون قىزمەتى ونىڭ ەل اۋماعىندا بولۋىنا بەرىلگەن رۇقساتتى جويدى. قازىرگى ۋاقىتتا تايلاند بيلىگى قازاقستاننىڭ تايلاندتاعى ەلشىلىگىمەن بىرلەسىپ، كۇدىكتىنى دەپورتاسيالاۋ جانە ونى وتانىنا قايتارىپ، جاۋاپكەرشىلىككە تارتۋ ماسەلەسىن پىسىقتاپ جاتىر.
