Qazaqstan Demokratiialyq partiiasy delegattarynyń quryltai sezin ótkizý búkil el aýmaǵy boiynsha kesheýildep jatqanyn kórip-bilip otyrmyn. Janbolatty da, Ingany da jáne basqa kóptegen delegattardy da burynnan beri jaqyn tanimyn ári qurmetteimin.
Óz basym, árdaiym Qazaqstanda kóp partiialy júie bolǵanyn aityp, ony jaqtap kelemin. Óitkeni bir partiialy «Nurotan» syndy saiasi monopoliia, jumsartyp aitqanda, ózderińiz de bilesizder, búgin qandai kúige ákelip jetkizgenin.
Birneshe ai buryn olardyń quryltai komitetiniń tirkelgeni týraly estigende, oǵan qýanyp, muny zor qoshemetpen qabyl alǵan edim, biraq búginderi kólikteriniń órtenýi, delegattarynyń ustalýy, ústerinen qylmystyq is qozǵalýy syndy habardy estip kóńilim nildei buzylyp otyr. Parlamenttiń kóppartiialylyǵy, sondai-aq majoritarlyq júie - elimizdiń alǵa jyljýynyń kepili.
Al saiasi monopoliia - beisharalyqtyń kepili.
Shynyn aitsam, budan keiin qorqaiyn dedim, áli de durystap qolǵa alynbaǵan demokratiialyq jáne naryqtyq reformalardy aiaǵyna jetkizbei, «jelkesinen qiyp jibere me» dep alańdaimyn. Osyndai bir úreili sezimniń mende paida bolǵanyna bir ai boldy-aý deimin.
Endi ózderińiz tarazylap kórińizdershi, Ulttyq senim keńesiniń sońǵy otyrysynyń ótkenine eki ai boldy. Iá, prezident Toqaev bizdiń kóptegen usynysymyzdy qabyldap, úkimetke tapsyrma bergen sekildi bolǵan, biraq olar oryndalyp jatyr ma?
Bizdi, iaǵni ulttyq keńes múshelerin zań jobalaryn daiarlaý jumysyna da tartyp jatqan joq. Biz de sizder siiaqty úkimet daiyndaǵan daiyn zań jobalardy qolymyzǵa alyp, betine qarap, endi basymyzdy ustaýdamyz.
Tipti, bizdiń qolymyzda prezident oryndaýǵa buiyrǵan óz usynystarymyz boiynsha jospar da joq. Menińshe, bul múlde durys emes nárse.
Sońǵy eki aida Prezident ulttyq keńestiń bir de bir múshesin qabyldaǵan joq, al aldynda apta saiyn mundai kezdesýler ótkizilip turǵan.
Al endi ne boldy? Aqparat ministrligi daiyndaǵan mitingiler týraly zań jobasyn bir jaqqa ysyryp qoia salý kerek, eń durysy sol, sóitip jańa nusqasyn jazýǵa kirisý qajet, biraq bul joly almatylyq jáne basqa da belsendilerdi de tartýymyz tiis (Evgenii Jovtis, Erlan Qaliev jáne basqalar). Biz saiasi partiialar týraly zań jobasyn áli talqylaǵan da joqpyz.
Ary qarai aitsaq.
Ulttyq qoǵamdyq senim keńesi hatshylyǵynan 174-bap boiynsha jazasyn ótegen azamattardy Qarjy ministrligi Qarjylyq baqylaýdyń qara tiziminen alyp tastaý týraly Prezidenttiń buiryǵy qalai oryndalyp jatqany jóninde aqparat suraǵanyma, mine bir aidyń júzi boldy.
«Kim ainalysady munymen, jalpy osy máselemen ainalysyp jatqandar bar ma, qandai kezeńge keldi» degen saýlaǵa múlde jaýap joq. Eshqandai aqparat ala almadym.
Ulttyq keńestiń sońǵy otyrysy eki ai buryn boldy dedik qoi, mine sodan beri onyń kelesi otyrysy qashan bolatyn datany belgilemek túgili taqyrybyn da anyqtaǵan joqpyz!
Men, Jánibek Qojyq, Aiman Omarova sot jáne quqyq qorǵaý júiesindegi, QAEJ salasyndaǵy reformalar boiynsha máseleni qaýzaimyz. Densaýlyq saqtaý jáne bilim berý júiesindegi máselelerdi talqylaityn taǵy bólek bir lek adam bar. Olardyń da aitar óz ýáji men usynystary jeterlik. Sonymen anyqtap alaiyq. Taqyrypty da tańdaǵannan keiin oǵan ázirlený kerek degendei.
Odan soń. Toqaev Ekonomikalyq reformalar ortalyǵynyń qurylǵany týraly jariialady, biraq oǵan kim kirgenin eshkim bilmeidi, máselen meni onda eshkim shaqyrǵan joq. Eger taǵy da «sol adamdar bolsa» ol arada, onda olar basqa nátijeni qalai bere alady? Taǵy baiaǵy áýenge baspaimyz ba? Nemese bul ortalyq jabyq rejimde reformalar júrgizbek pe? Onda bul baryp turǵan taǵy bir aqymaqtyq bolady. Ashyqtyq joq qoi óitkeni.
Buryn QR Prezidenti ákimshiligi tóraǵasynyń orynbasary Timýr Súleimenov bizdi - ekonomikalyq topty jinap alyp, naqty sheshimdi qajet etetin qyzý talqy júrgizetin, biraq nátijeleri daýly bolatyn. Biyl, mine mundai da bir de bir otyrys bolǵan joq.
Árine, jariialanǵan soń ol reformalar júzege asyrylýy tiis, oǵan senimdimin, óitkeni men odan basqa naqty joldy kórip turǵanym joq. Toqaev bul úshin jańa adamdardy da tartý kerek. Oǵan da senimdimin.
Jalpy, reformalardy jalǵastyrýǵa bel býǵan bolsańyzdar, marhabbat. Al ondai niet joq bolsa, onda eldiń basyn bostan-bosqa qatyryp ne kerek?..
