Túrkistan oblysy Jetisaı aýdanynda aıaqkıim shyǵaratyn seh ashyldy. Jalpy ınvestısıalyq quny – 300 myń AQSH dollary. Munda táýligine 6 túrli 2 000 dana aıaqkıim shyǵarylady. Túrkistan oblysy ákiminiń baspasóz qyzmeti aýdanǵa uıymdastyrǵan pres-týr barysynda BAQ ókilderi kásiporynda bolyp, atqarylyp jatqan jumystarmen tanysty.

Jumys istep kele jatqanyna 3 aı bolǵan«Ulyqbek» jeke kásipkerliginiń ıesi Ulyqbek Ábdiramanov sehty ashý isinde memlekettik qoldaý tapqan.

– Men buǵan deıin shamamen 10 jyldaı aıaqkıim satýmen aınalysyp keldim. Sol kezde jeke seh ashyp alsam degen oı keldi. Búginde sonyń sáti túsip jańadan is bastap otyrmyz. Jyldyń mezgiline baılanysty aıaqkıimniń birneshe túrin óndiriledi. Ónimge degen suranys joǵary. Jergilikti ákimdik jáne kásipkerlik bólimine rızashylyǵymdy bildirgim keledi. Osy jobany júzege asýyna qoldaý kórsetip, qajetti jer bólip berdi, – dedi mekeme basshysy.

Sehta 20 adam turaqty jumysqa ornalasqan. Qajetti shıkizat Qytaı, Ózbekstan elderinen tasymaldanady. Daıyn ónim elimizdiń barlyq óńirlerine jóneltilýde. Kásipkerdiń endigi jospary memleket tarapynan kórsetiletin kómekti paıdalanyp, kásiptiń órisin keńeıtý.

 

Túrkistan oblysy ákiminiń baspasóz qyzmeti