جۇمىس ىستەپ كەلە جاتقانىنا 3 اي بولعان«ۇلىقبەك» جەكە كاسىپكەرلىگىنىڭ يەسى ۇلىقبەك ءابدىرامانوۆ سەحتى اشۋ ىسىندە مەملەكەتتىك قولداۋ تاپقان.
– مەن بۇعان دەيىن شامامەن 10 جىلداي اياقكيىم ساتۋمەن اينالىسىپ كەلدىم. سول كەزدە جەكە سەح اشىپ السام دەگەن وي كەلدى. بۇگىندە سونىڭ ءساتى ءتۇسىپ جاڭادان ءىس باستاپ وتىرمىز. جىلدىڭ مەزگىلىنە بايلانىستى اياقكيىمنىڭ بىرنەشە ءتۇرىن وندىرىلەدى. ونىمگە دەگەن سۇرانىس جوعارى. جەرگىلىكتى اكىمدىك جانە كاسىپكەرلىك بولىمىنە ريزاشىلىعىمدى بىلدىرگىم كەلەدى. وسى جوبانى جۇزەگە اسۋىنا قولداۋ كورسەتىپ، قاجەتتى جەر ءبولىپ بەردى، – دەدى مەكەمە باسشىسى.
سەحتا 20 ادام تۇراقتى جۇمىسقا ورنالاسقان. قاجەتتى شيكىزات جۇڭگو، وزبەكستان ەلدەرىنەن تاسىمالدانادى. دايىن ءونىم ەلىمىزدىڭ بارلىق وڭىرلەرىنە جونەلتىلۋدە. كاسىپكەردىڭ ەندىگى جوسپارى مەملەكەت تاراپىنان كورسەتىلەتىن كومەكتى پايدالانىپ، كاسىپتىڭ ءورىسىن كەڭەيتۋ.
تۇركىستان وبلىسى اكىمىنىڭ باسپا ءسوز قىزمەتى
