Almaty ákimi Erbolat Dosaev Bostandyq aýdany turǵyndarymen kezdesý barysynda Ermensaı shaǵyn aýdanynda kópqabatty turǵyn úılerdiń qurylysyna qatysty suraqtarǵa jaýap berdi, - dep habarlaıdy Dalanews.kz

Almaty ákimi taýly aımaqta qurylysqa ruqsat bermegeni úshin jaýy kóbeıgenin aıtty.

«Belgili bir aýdanda turǵyn úı keshenderiniń qurylysyna moratorıı engizý zań júzinde múmkin emes. Biraq biz bul máseleni rettep otyrmyz. Sońǵy birneshe jylda qansha jobany maquldaýdan bas tartqanymyzdy elestete de almaısyzdar. Qalada meniń taýly aımaqta qurylys júrgizýge ruqsat bermegenim úshin jaýym kóbeıdi», – dedi Erbolat Dosaev.

Sonymen qatar, zańdaǵy olqylyq qurylys kompanıalaryna jeke turǵyn úıge arnalǵan jerlerge az qabatty keshender salýǵa múmkindik berip otyr.

«Biz zańnamany jetildirý boıynsha usynystar engizdik jáne óz tarapymyzdan qurylys erejesin qatańdattyq. Qazirgi ýaqytta bul ereje taý bókterin tegisteýge, taýly aımaqtaǵy jotalar jolaǵynda, sonyń ishinde eńisi 15 gradýstan joǵary jerlerde qurylys júrgizýge tyıym salady», – dedi Almaty ákimi.