الماتى اكىمى ەربولات دوسايەۆ بوستاندىق اۋدانى تۇرعىندارىمەن كەزدەسۋ بارىسىندا ەرمەنساي شاعىن اۋدانىندا كوپقاباتتى تۇرعىن ۇيلەردىڭ قۇرىلىسىنا قاتىستى سۇراقتارعا جاۋاپ بەردى، - دەپ حابارلايدى Dalanews.kz
الماتى اكىمى تاۋلى ايماقتا قۇرىلىسقا رۇقسات بەرمەگەنى ءۇشىن جاۋى كوبەيگەنىن ايتتى.
«بەلگىلى ءبىر اۋداندا تۇرعىن ءۇي كەشەندەرىنىڭ قۇرىلىسىنا موراتوريي ەنگىزۋ زاڭ جۇزىندە مۇمكىن ەمەس. ءبىراق ءبىز بۇل ماسەلەنى رەتتەپ وتىرمىز. سوڭعى بىرنەشە جىلدا قانشا جوبانى ماقۇلداۋدان باس تارتقانىمىزدى ەلەستەتە دە المايسىزدار. قالادا مەنىڭ تاۋلى ايماقتا قۇرىلىس جۇرگىزۋگە رۇقسات بەرمەگەنىم ءۇشىن جاۋىم كوبەيدى»، – دەدى ەربولات دوسايەۆ.
سونىمەن قاتار، زاڭداعى ولقىلىق قۇرىلىس كومپانيالارىنا جەكە تۇرعىن ۇيگە ارنالعان جەرلەرگە از قاباتتى كەشەندەر سالۋعا مۇمكىندىك بەرىپ وتىر.
«ءبىز زاڭنامانى جەتىلدىرۋ بويىنشا ۇسىنىستار ەنگىزدىك جانە ءوز تاراپىمىزدان قۇرىلىس ەرەجەسىن قاتاڭداتتىق. قازىرگى ۋاقىتتا بۇل ەرەجە تاۋ بوكتەرىن تەگىستەۋگە، تاۋلى ايماقتاعى جوتالار جولاعىندا، سونىڭ ىشىندە ەڭىسى 15 گرادۋستان جوعارى جەرلەردە قۇرىلىس جۇرگىزۋگە تىيىم سالادى»، – دەدى الماتى اكىمى.
