Táýelsizdik juldyzdy 27 jylda aq túıeniń qarny jarylǵan, tórt qubylamyz teńelip, kók týymyz kókte jelbirep, keń baıtaq jazıraly dalada qyran qustaı qalyqtap, tuǵyrǵa qaıta qonǵan kún.
Búgingi kún dalamyz – dánge, órisimiz – malǵa, otbasymyz – janǵa tolǵan kún.
Sondyqtan, qazaqstandyqtar úshin Táýelsizdikten artyq qasıetti de qymbat eshteńe joq.
Mine, táýelsiz el bolǵanymyzǵa 27 jyl toldy. Osy az ýaqyttyń ishinde Elbasynyń sarabdal saıasatynyń arqasynda qol jetkizilgen nátıjeler Qazaqstannyń álemdik qoǵamdastyqta óziniń laıyqty ornyn alýyna múmkindik berdi. Táýelsiz Qazaqstannyń turaqtylyǵy men údemeli damýyndaǵy, ultaralyq jáne dinaralyq kelisimniń ornyǵýyndaǵy, N.Á.Nazarbaevtyń róli orasan.Elbasynyń «Bolashaqqa baǵdar: rýhanı jańǵyrý» jáne «Uly dalanyń jeti qyry» atty maqalalary aıasynda ulttyq mádenıet pen tarıh kelbeti buryn bolyp kórmegen bıik deńgeıge kóterildi.
Jeltoqsannyń yzǵarymen kelgen Táýelsizdiktiń biz úshin orny qashan da bólek. Sondyqtan da «tolarsaqtan saz keshken» batyr babalarymyzdyń ár jylda tógilgen qanynyń, uly murattar jolynda qurban bolǵan asyl azamattarymyzdyń asqaq armandarynyń arqasynda qol jetkizgen Táýelsizdikti biz árqashan maqtan tutyp, qasterleı bilýge tıistimiz. Bul bizdiń azamattyq paryzymyz.
Barshańyzdy kele jatqan Táýelsizdik merekesimen shyn júrekten taǵy da quttyqtaımyn! Barsha shańyraq baıandy baq-dáýletke kenelip, elimizde yntymaq saltanat quryp, yrysymyz ortaımasyn! Táýelsizdigimiz tuǵyrly, birligimiz baıandy, elimiz eńseli bolsyn, ardaqty aǵaıyn!
Nurbol Turashbekov, Túlkibas aýdanynyń ákimi.
