Aýdanda aýyl sharýashylyǵymen qatar, ósimdik jáne mal sharýashylyqtary qarqyndy damýda. Ósimdik sharýashylyǵy aýyl sharýashylyǵynyń jalpy óniminiń 73,2%, mal sharýashylyǵy 26,8%-yn quraidy. Aýmaqtaǵy mal sharýashylyǵynyń basty ereksheligi – ártaraptandyrylǵan sipatta ekenin aitýǵa bolady.
Aýdan agrarlyq sektardyń joǵary tiimdi damýynyń negizi bolyp tabylatyn qunarly qara topyraqqa ie. Shyǵys Qazaqstan oblysynda daiyndalatyn aǵashtyń kóp bóligi Glýbokoe aýdanyna tiesili.
El egemendiginiń 30 jyldyǵynda joǵary ǵylymi áleýet qolǵa alynyp, nátijesinde oblys sharýashylyqtary men respýblikanyń basqa da óńirlerin joǵary reprodýktsiialy tuqymdarmen qamtamasyz etetin tuqym ósirý sharýashylyqtary qalyptasty. Munyń bári eginshiliktiń joǵary mádenieti men óndiriske ǵylym men tehnikanyń jetistikterin engizý arqyly qol jetkizildi.
Aýdan boiynsha aýyl sharýashylyǵynyń jalpy ónim kólemi 48,2 mlrd teńgeni quraǵan. 2021 jyly egis alqaby 105,7 myń gektar kólemin kórsetti. Bul 2020 jylmen salsytrǵanda 3,2%-ǵa artyq.
2021 jyly agrarshylar 3 mlrd teńgeden astam somaǵa 86 birlik tehnika satyp alǵanyn da aita ketýimiz kerek.
2021 jyldyń 10 aiynda aýdan agrarshylary 1 mlrd 945 mln teńge sýbsidiia túrinde memlekettik qoldaý sharalaryn aldy. Bul el táýelsizdiginiń aiqyn kórinisi. Búgingi tańda agroónerkásiptik keshen ókilderi áleýmettik salaǵa etene aralasyp, jaýapkershilik qalyptastyryp, jerlesterine qolushyn sozýǵa daiar. Bul óńirdiń AÓK damýynyń oń serpinin kórsetedi.
