Shyǵys Qazaqstan oblys qunarly topyraǵymen erekshelenip, sý qoımalaryna, egistik jerler men jaıylymdarǵa baı. Aıtalyq, Glýbokoe aýdanynda aýyl sharýashylyǵy ónimderin óndirýmen 629 sharýaqojalyǵy, 89 aýyl sharýashylyǵy kásiporny jáne 18,3 myń úı sharýashylyǵy aınalysady. Oblystyń jalpy kólemindegi aýyl sharýashylyǵynyń ónim kóleminiń úlesi 6,8%-dy quraıdy.
Aýdanda aýyl sharýashylyǵymen qatar, ósimdik jáne mal sharýashylyqtary qarqyndy damýda. Ósimdik sharýashylyǵy aýyl sharýashylyǵynyń jalpy óniminiń 73,2%, mal sharýashylyǵy 26,8%-yn quraıdy. Aýmaqtaǵy mal sharýashylyǵynyń basty ereksheligi – ártaraptandyrylǵan sıpatta ekenin aıtýǵa bolady.
Aýdan agrarlyq sektardyń joǵary tıimdi damýynyń negizi bolyp tabylatyn qunarly qara topyraqqa ıe. Shyǵys Qazaqstan oblysynda daıyndalatyn aǵashtyń kóp bóligi Glýbokoe aýdanyna tıesili.
El egemendiginiń 30 jyldyǵynda joǵary ǵylymı áleýet qolǵa alynyp, nátıjesinde oblys sharýashylyqtary men respýblıkanyń basqa da óńirlerin joǵary reprodýksıaly tuqymdarmen qamtamasyz etetin tuqym ósirý sharýashylyqtary qalyptasty. Munyń bári eginshiliktiń joǵary mádenıeti men óndiriske ǵylym men tehnıkanyń jetistikterin engizý arqyly qol jetkizildi.
Táýelsizdik jyldarynda eki sút-taýar fermasy qaıta quryldy. Osylaısha, «OHMK» JSHS-de 600 qara basqa arnalǵan ferma salyndy. 2016 jyly «Delaval» JAQ jabdyq ornatylyp, paıdalanýǵa berildi. «Bobrovka +» JSHS 600 basqa arnalǵan sút taýarly fermasyn qaıta jańartýdy júrgizdi.
Aýdan boıynsha aýyl sharýashylyǵynyń jalpy ónim kólemi 48,2 mlrd teńgeni quraǵan. 2021 jyly egis alqaby 105,7 myń gektar kólemin kórsetti. Bul 2020 jylmen salsytrǵanda 3,2%-ǵa artyq.
2021 jyly agrarshylar 3 mlrd teńgeden astam somaǵa 86 birlik tehnıka satyp alǵanyn da aıta ketýimiz kerek.
2021 jyldyń 10 aıynda aýdan agrarshylary 1 mlrd 945 mln teńge sýbsıdıa túrinde memlekettik qoldaý sharalaryn aldy. Bul el táýelsizdiginiń aıqyn kórinisi. Búgingi tańda agroónerkásiptik keshen ókilderi áleýmettik salaǵa etene aralasyp, jaýapkershilik qalyptastyryp, jerlesterine qolushyn sozýǵa daıar. Bul óńirdiń AÓK damýynyń oń serpinin kórsetedi.
