Oblys ortalyǵynda uiymdastyrlatyn jarysqaaýdandaǵy kásiporyndarda qatysyp, baiqaýdyń aiasy keńeite túskenin aita ketýimiz kerek. Biyl jarysqa «Úlbi metallýrgiia zaýyty» AQ, «Óskemen titan-magnii kombinaty» AO, «Óskemen JES» JShS, «Sogrinsk JES», «Kásip Qorǵan» odaǵy, «Vostoktsvetmet», «Vostoktsvetmet» kompaniiasyna qarasty Orlov óndiristik kesheni jáne «AES Shúlbi GES» seriktesi syndy irgeli kásiporandarda jasaqtalǵan komandalar qatysty.
– Jyl saiyn uiymdastyrylatyn baiqaý oblysymyzdaǵy jastardyń shyǵarmashylyq qyry men sporttyq áleýetin arttyryp, jastardyń júregine otanshylydyq sezimin jaǵyp keledi. Jarys jumysshy mamandyǵyn jastar arasynda keńinen nasihattaý isine de kóp septigin tigizýde. Osy jarysqa qatysqan kolledjderdiń jastary kásiporyndarda jumys isteitin jastarmen aralasyp, oqýlaryn aiaqtaǵannan keiin óndiris oryndarynda ózderin qandai adamdardyń kútip turǵanyn bilip, bolashaq jumysy jaiynda mol maǵulmat alý múmkindigine ie boldy. Táýelsizdik jyldary jastardyń ózin-ózi damytý úshin memleket barlyq jaǵdaidy jasap keledi. Búgingi jarys sonyń aiqyn dáleli desem bolady, – dedi ShQO Jastar resýrstyq ortalǵynyń direktory Arailym Esimbekova.
– Bizder osy baiqaýdy jyl saiyn asyǵa kútemiz. Óitkeni baiqaýǵa birneshe jyldan beri úzdiksiz qatysyp kelemiz. Osy jyl jarysqa bir ai buryn daiyndaldyq. Óitkeni bizben synǵa túsetin komandalardyń ońai shaǵylatyn jańǵaq emes ekenin bilemiz. Óz basym mundai baiqaýlar ujymdaǵy jastardy bir-birimen jaqyndastyra túsetinin baiqadym. Mundai kóńildi baiqaýlar keremet kóńil-kúi sylap, eńbek ónimdiligin arttyra túsedi, – deidi Óskemen titan-magnii kombinatynda jumys istep júrgen Mahabbat Syǵaeva.
Jarys qorytyndysy boiynsha «Úzdik sporttyq komanda» degen ataqqa Óskemen titan-magnii kombinatynyń komandasy ie bolsa, «Úzdik shyǵarmashyl komanda», «Úzdik videorolik» degen ataqqa «Vostoktsvetmet» kompaniiasyna qarasty Orlov óndiristik kesheniniń jastary ie boldy. Al «Úzdik jastar uiymy» degen ataqty «AES Shúlbi GES» JShS komandasy qanjyǵalaryna bailady.
