SHQO jastary tarapynan aıryqsha qoldaýǵa ıe bolǵan baıqaý bıyl toǵyzynshy ret uıymdastyryldy. Jyl ótken saıyn sharaǵa qatysatyn kásiporyndardyń sany artyp keledi. Bıylǵy jarysqa 7 kásiporynyń komandasy qatysyp, ózara baq synady.
Oblys ortalyǵynda uıymdastyrlatyn jarysqaaýdandaǵy kásiporyndarda qatysyp, baıqaýdyń aıasy keńeıte túskenin aıta ketýimiz kerek. Bıyl jarysqa «Úlbi metalýrgıa zaýyty» AQ, «Óskemen tıtan-magnıı kombınaty» AO, «Óskemen JES» JSHS, «Sogrınsk JES», «Kásip Qorǵan» odaǵy, «Vostoksvetmet», «Vostoksvetmet» kompanıasyna qarasty Orlov óndiristik kesheni jáne «AES Shúlbi GES» seriktesi syndy irgeli kásiporandarda jasaqtalǵan komandalar qatysty.
– Jyl saıyn uıymdastyrylatyn baıqaý oblysymyzdaǵy jastardyń shyǵarmashylyq qyry men sporttyq áleýetin arttyryp, jastardyń júregine otanshylydyq sezimin jaǵyp keledi. Jarys jumysshy mamandyǵyn jastar arasynda keńinen nasıhattaý isine de kóp septigin tıgizýde. Osy jarysqa qatysqan kolejderdiń jastary kásiporyndarda jumys isteıtin jastarmen aralasyp, oqýlaryn aıaqtaǵannan keıin óndiris oryndarynda ózderin qandaı adamdardyń kútip turǵanyn bilip, bolashaq jumysy jaıynda mol maǵulmat alý múmkindigine ıe boldy. Táýelsizdik jyldary jastardyń ózin-ózi damytý úshin memleket barlyq jaǵdaıdy jasap keledi. Búgingi jarys sonyń aıqyn dáleli desem bolady, – dedi SHQO Jastar resýrstyq ortalǵynyń dırektory Araılym Esimbekova.
Baıqaýdyń birinshi kezeńinde oblystaǵy kásiporyndardaǵy «Úzdik jastar uıymy» anyqtaldy. Bul kezeńde árbir komanda kúniburyn daıyndap kelgen portfolıalaryn qazylar alqasyna usynyp, jumystarmen tanystyrdy. Al ekinshi kezeńde komandalardyń áleýmettik jelige oranalastyrǵan vıderolıkteri qansha daýys jınaǵany esepke alyndy. Al negizgi úshinshi kezeńde sporttyq tımbıldıng uıymdastyrylyp, myqty komandalar anyqtalady.
– Bizder osy baıqaýdy jyl saıyn asyǵa kútemiz. Óıtkeni baıqaýǵa birneshe jyldan beri úzdiksiz qatysyp kelemiz. Osy jyl jarysqa bir aı buryn daıyndaldyq. Óıtkeni bizben synǵa túsetin komandalardyń ońaı shaǵylatyn jańǵaq emes ekenin bilemiz. Óz basym mundaı baıqaýlar ujymdaǵy jastardy bir-birimen jaqyndastyra túsetinin baıqadym. Mundaı kóńildi baıqaýlar keremet kóńil-kúı sylap, eńbek ónimdiligin arttyra túsedi, – deıdi Óskemen tıtan-magnıı kombınatynda jumys istep júrgen Mahabbat Syǵaeva.
Jarys qorytyndysy boıynsha «Úzdik sporttyq komanda» degen ataqqa Óskemen tıtan-magnıı kombınatynyń komandasy ıe bolsa, «Úzdik shyǵarmashyl komanda», «Úzdik vıdeorolık» degen ataqqa «Vostoksvetmet» kompanıasyna qarasty Orlov óndiristik kesheniniń jastary ıe boldy. Al «Úzdik jastar uıymy» degen ataqty «AES Shúlbi GES» JSHS komandasy qanjyǵalaryna baılady.
Úzdik komandalardy úsh dúrkin Olımpıada chempıony Olga Rypakova ózi marapattady. Óz kezeginde ataqty sportshy jastar sportpen aınalysýy óte mańyzdy ekenin aıtyp, sport jastarǵa erekshe kóńil kúı, kúsh-qýat syılaıtynyn jetkizdi. Olımpıada chempıony Táýelsizdik jyldary Shyǵys Qazaqstan oblysynda 400-den astam sport nysandary salynyp, paıdalanýǵa berilegenin de atap ótti. Osynyń arqasynda óńirde buqaralyq sportpen aınalysýshylardyń qatar aıtarlyqtaı ósken.
