Táýelsizdik – Máńgilik eldiń tuǵyry
Táýelsizdik kúni – Otanymyzdyń árbir azamaty úshin qasterli mereke. Tarih turǵysynan qysqa merzim ishinde halqymyz Elbasy N.Á.Nazarbaevtyń saiasatyn qoldai otyryp, áleýmettik-ekonomikalyq damý jolyna tústi. Qazaqstan Respýblikasy ózin beibitshil ári jasampaz el retinde álemge tanytty. Ult Kóshbasshysy «Qazaqstan – 2050» Strategiiasynda «Máńgilik el» ideiasyn Táýelsizdigimizdiń basty qundylyǵy retinde atady.
Osyǵan orai, búgin Arys qalalyq mádeniet úiinde elimizdiń eń Ulyq merekesi – 16-jeltoqsan Táýelsizdik kúnine arnalǵan saltanatty jiyn ótti.
Saltanatty sharaǵa qala ákimi M.Qadyrbek, ákim orynbasarlary, máslihat depýtattary, mekeme, bólim basshylary men qyzmetkerleri, partiia ókilderi, ziialy qaýym, etnomádeni ortalyqtardyń jáne BAQ ókilderi qatysty.
Qazaqstan Respýblikasynyń Táýelsizdik kúnine arnalǵan saltanatty jiynda qala ákimi Murat Bolatuly qala halqyn merekemen quttyqtap, elimizdiń órkendeýine úles qosyp júrgen birqatar azamattardy oblys jáne qala ákiminiń alǵys hattarymen marapattady.
Mereke odan ári qalalyq mádeniet úiiniń ónerpazdary uiymdastyrǵan kontserttik baǵdarlamaǵa ulasty.
Arys qalasy ákiminiń baspasóz qyzmeti
