تاۋەلسىزدىك كۇنى – وتانىمىزدىڭ ءاربىر ازاماتى ءۇشىن قاستەرلى مەرەكە. تاريح تۇرعىسىنان قىسقا مەرزىم ىشىندە حالقىمىز ەلباسى ن.ءا.نازاربايەۆتىڭ ساياساتىن قولداي وتىرىپ، الەۋمەتتىك-ەكونوميكالىق دامۋ جولىنا ءتۇستى. قازاقستان رەسپۋبليكاسى ءوزىن بەيبىتشىل ءارى جاسامپاز ەل رەتىندە الەمگە تانىتتى. ۇلت كوشباسشىسى «قازاقستان – 2050» ستراتەگياسىندا «ماڭگىلىك ەل» يدەياسىن تاۋەلسىزدىگىمىزدىڭ باستى قۇندىلىعى رەتىندە اتادى.
وسىعان وراي، بۇگىن ارىس قالالىق مادەنيەت ۇيىندە ەلىمىزدىڭ ەڭ ۇلىق مەرەكەسى – 16-جەلتوقسان تاۋەلسىزدىك كۇنىنە ارنالعان سالتاناتتى جيىن ءوتتى.
سالتاناتتى شاراعا قالا اكىمى م.قادىربەك، اكىم ورىنباسارلارى، ءماسليحات دەپۋتاتتارى، مەكەمە، ءبولىم باسشىلارى مەن قىزمەتكەرلەرى، پارتيا وكىلدەرى، زيالى قاۋىم، ەتنومادەني ورتالىقتاردىڭ جانە ب ا ق وكىلدەرى قاتىستى.
قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جيىندا قالا اكىمى مۇرات بولات ۇلى قالا حالقىن مەرەكەمەن قۇتتىقتاپ، ەلىمىزدىڭ وركەندەۋىنە ۇلەس قوسىپ جۇرگەن ءبىرقاتار ازاماتتاردى وبلىس جانە قالا اكىمىنىڭ العىس حاتتارىمەن ماراپاتتادى.
مەرەكە ودان ءارى قالالىق مادەنيەت ءۇيىنىڭ ونەرپازدارى ۇيىمداستىرعان كونسەرتتىك باعدارلاماعا ۇلاستى.
ارىس قالاسى اكىمىنىڭ باسپا ءسوز قىزمەتى
