Túrkistan qalasynyń Abai atyndaǵy mektep-internatynda «Táýelsizdik – Uly dala urpaǵyna amanat» kórmesi men «Táýelsizdik – Máńgilik el tuǵyry» atty merekelik is-shara ótti.
Saltanatty jiyndy qoryq-mýzeidiń ǵylymi zertteý bóliminiń meńgerýshisi Berik Baibolov pen Abai atyndaǵy mektep-internatynyń direktor orynbasary Sultanov Mahmýd Ýaisuly ashyp berdi.
Kórmege mýzei qorynan 50-ge jýyq sýretter men kitaptar qoiylyp, Táýelsiz jyldardyń bel-belesteri jáne Elbasy Nursultan Ábishuly Nazarbaevtyń Túrkistanǵa saparlary, ár jylǵy Joldaýlar men túrli baǵdarlamalar negizinde mýzeide jasalǵan tyń serpilister jóninde keńinen maǵlumat berilip, tanystyryldy. Shara mektep ónerpazdarynyń kontserttik baǵdarlamasyna ulasyp, jas daryndar patriottyq ánder aityp, kúiler oryndady.
Jiyn barysynda Abai atyndaǵy mektep-internatynyń direktory Shynar Tileýbergenova «Áziret Sultan» qoryq-mýzeiine 40 jyl» merekelik medali jáne mýzeidiń baspa ónimderi, sharada óner kórsetken oqýshylar men ustazdarǵa «Áziret Sultan» qoryq-mýzei ákimshiligi atynan alǵys hattar tabystaldy.
"Áziret Sultan" memlekettik tarihi-mádeni qoryq-mýzeiiniń baspasóz qyzmeti.
