Astanada Táýelsizdik kúnine oraı azamattardyń jekelegen sanatyna birjolǵy aqshalaı tólem beriledi. Áleýmettik kómek 1986 jylǵy 17–18 jeltoqsan oqıǵasyna qatysqan, saıası qýǵyn-súrgin qurbandary retinde tanylǵan azamattarǵa qarastyrylǵan, dep habarlaıdy Dalanews.kz.
Birjolǵy tólemniń mólsheri 60 aılyq eseptik kórsetkishti (AEK) quraıdy. 2025 jylǵy esep boıynsha bul 235 920 teńge.
Atalǵan tólem Astana qalasy máslıhatynyń 2023 jylǵy 3 qazandaǵy sheshimimen bekitilgen, áleýmettik kómek kórsetý qaǵıdalaryna sáıkes júzege asyrylady. Qujatta muqtaj azamattardyń jekelegen sanattaryna áleýmettik qoldaý kórsetý tártibi men mólsheri aıqyndalǵan.
Qalalyq jumyspen qamtý jáne áleýmettik qorǵaý basqarmasynyń málimetinshe, Qazaqstan Respýblıkasynyń “Jappaı saıası qýǵyn-súrgin qurbandaryn aqtaý týraly” zańyna sáıkes aqtalǵan, 1986 jylǵy Jeltoqsan oqıǵasyna qatysqan azamattarǵa 16 jeltoqsan – Táýelsizdik kúnine oraı birjolǵy áleýmettik kómek kórsetiledi.
