Keńeitilgen otyrysqa Nur-Sultan qalasynyń ákimi Altai Kólginov, konsýltativtik keńes músheleri, elorda ákimdiginiń, ýákiletti organdardyń ókilderi, ÚEU basshylary, sondai-aq azamattyq belsendiler men qoǵamdyq pikir kóshbasshylary qatysty.
Elorda ákimi Altai Kólginov otyrysty asha otyryp, biyl el Táýelsizdiginiń 30 jyldyǵy atap ótiletinin qozǵady. Qazaqstan Respýblikasynyń Tuńǵysh Prezidenti – Elbasy Nursultan Nazarbaev eldiń ornyqty damýy men halyq birligin nyǵaitý jolynda memleket pen qoǵam arasynda ashyq dialog ornatýdyń mańyzdylyǵyn árdaiym atap ótedi.
Alǵashqy kúnnen bastap, áleýmettik-ekonomikalyq daǵdarystarǵa qaramastan elde azamattyq qoǵam institýttary ashyldy, qazir ósip, damyp keledi.
– Qasym-Jomart Kemeluly Toqaev «búginde azamattyq qoǵamnyń róli artyp keledi. Bul – qalypty ári jaǵymdy qubylys. Sondyqtan azamattyq qoǵamnyń damyǵan institýttary – bul odan ári saiasi jańǵyrtýdyń magistraldyq joly» dep erekshe atap ótti. Qazaqstannyń 10-shy Azamattyq forýmy qarsańynda biz ÚEU-men yntymaqtastyq jáne ózara is-qimyl jónindegi Konsýltativtik keńestiń keńeitilgen otyrysyn ótkizemiz. Búginde elordada 4,5 myńǵa jýyq úkimettik emes uiym jumys isteidi, olardyń árqaisysy mańyzdy jáne ózekti áleýmettik mindetterdi sheshýge qatysady, – dep atap ótti Altai Kólginov.
– Sonymen qatar, barlyq sanattardy qamtý úshin qalada osyndai 15 ortalyq ashyldy. Erekshe balalarǵa arnalǵan 10 ońaltý ortalyǵy jumys isteidi. Kún saiyn 1 myńnan astam bala ońaltýdan ótedi. «Open akimat» jumysy uiymdastyryldy, onda biyl 47 myńnan astam azamat qabyldandy. Búginde barlyq qyzmet bizdiń turǵyndar úshin ashyq, kedergisiz, bir tereze qaǵidaty boiynsha qoljetimdi. Sonymen qatar, biz ákimdiktiń memlekettik qyzmetterin onlain formatqa kóshirdik, – dedi ákim.
Qala basshysynyń aitýynsha, eki jyl ishinde 70 000-nan astam azyq-túlik sebeti taratyldy. Bul kóbinese eriktiler men ÚEU arqasynda júzege asyryldy.
Kezdesýge qatysýshylar 90-shy jyldardyń basynda elordada azamattyq qoǵam institýtynyń qalyptasýy qalai ótkenin, qoǵam ókilderi qandai qiyndyqtarǵa tap bolǵanyn jáne búgingi tańda elimizdiń bas qalasyn damytýdyń birinshi kezektegi mindetterin sheshýde úkimettik emes sektordyń róli qanshalyqty mańyzdy ekenin aityp berdi.
– Úkimettik emes sektor óz tarihynda qoǵam úshin mańyzy zor, úlken jumystar atqardy. Biraq ony bastaý árine ońai bolǵan joq. 2003 jyly Qazaqstannyń Tuńǵysh Azamattyq forýmy ótti, oǵan Tuńǵysh Prezident – Nursultan Nazarbaev qatysty. 500 delegattyń aldynda sóilegen sózinde Elbasy bizge qosqan úlesi men atqarǵan jumysy úshin alǵys aityp, úkimettik emes sektordyń odan ári damýy bizge jáne bizdiń jumysymyzǵa bailanysty bolǵandyqtan, odan da zor kúsh-jigermen jumys isteýge shaqyrdy, – dep eske saldy Qoǵamdyq keńestiń hatshysy, Nur-Sultan qalasynyń belsendi uzaq ómir súrý ortalyǵynyń direktory Muhtar Erketaev.
Ol 2003 jyldan bastap azamattyq qoǵamnyń belsendi damýy jáne úkimettik emes sektordyń memleketpen tyǵyz yntymaqtastyǵy bastalǵanyn atap ótti.
«Ardager» qoǵamdyq birlestiginiń prezidenti Baian Ahmetjanova azamattyq sektorda jumys istegen alǵash ýaqyttarda Aqmolada úkimettik emes birlestikter bolmaǵanyn aitty. Barlyǵy alǵash ret, synaq ádisimen bastalypty.
– Táýelsizdiktiń alǵashqy jyldarynda azamattyq qoǵam institýttarynyń ashylýy, ósýi men nyǵaiýy eldegi áleýmettik-ekonomikalyq jaǵdaidyń qiyn kezeńinde ótti. Shyndyǵynda úkimettik emes sektor úlken belesten ótti. Elordada 2003 jyly QR Tuńǵysh Prezidenti – Elbasy Nursultan Ábishuly Nazarbaevtyń qatysýymen Qazaqstannyń alǵashqy Azamattyq forýmy ótti. Dál osy oqiǵa azamattyq qoǵamnyń júieli qalyptasýy men damýyna serpin berdi, – dedi Baian Ahmetjanova.
ÚEU ókilderi jiyn barysynda azamattyq qoǵamnyń damýy men onyń táýelsiz Qazaqstannyń 30 jyl ishindegi jetistikterin talqylady. Kezdesýge qatysýshylar úkimettik emes sektor memleket damýynyń lokomotivi, qoǵamda bolyp jatqan úderisterdiń barometri bolyp sanalady degen ortaq pikirge keldi. Jumys istep turǵan úkimettik emes uiymdar ártúrli, biraq bir mindetti sheshýge – turǵyndardyń ómirin jaqsartýǵa baǵyttalǵan. Olardyń qatysýymen qoǵam ómiriniń barlyq salalarynda mańyzdy jáne ózekti máseleler sheshiledi.
Otyrys sońynda qatysýshylar qoǵam damýynyń birinshi kezektegi mindetterin sheshýde úkimettik emes sektor men memlekettiń yntymaqtastyǵyn nyǵaitý boiynsha birqatar syndarly usynystar aitty.
Aita ketý kerek, is-shara sanitarlyq normalar men karantin talaptaryn qatań saqtai otyryp ótkizildi.
