Taýar eksporttaýshylarǵa qoldaý kúsheiedi
Sapar barysynda ol indýstriialyq jáne týristik nysandarda bolyp, memlekettik baǵdarlamalardyń oryndalý barysymen tanysty, sondai-aq, Memleket basshysynyń tapsyrmalaryn oryndaý boiynsha ákimderdiń esepterin tyńdady.
Óz kezeginde Meiirjan Iiabaiuly aýdan ákimderine shaǵyn jáne orta biznesti damytý, investitsiia tartý, eksport pen týrizmdi jańǵyrtý boiynsha birqatar mindetter qoidy. Oblys ákiminiń orynbasary investitsiialardy tartý jáne eksportty damytý ákimderdiń nazar aýdaratyn salalardyń biri ekenin aitty. Sondai-aq, aýdan, qala basshylaryna eksporttaýshylarǵa der kezinde qoldaý kórsetilýi tiis ekeni tapsyryldy.
Sonymen qatar, jiynda aýdan ákimderi investitsiialyq jobalardyń tizimi jasaqtalatyny, óńirdegi eksporttaýshylardyń usynystaryn qabyldap jáne eksporttaý jumystaryna kedergi keltiretin máseleler arnaiy qurylǵan Jobalyq keńsede qaralatyny aityldy.
Aita keteiik, oblysta búginde eksporttaýshylar úshin 24/7 biryńǵai Call Center jumys istep keledi jáne kásipkerlerge arnalǵan barlyq qajetti aqparat ornalasqan veb-portal synaqtan ótkizilýde.
Odan bólek, ákimderge «qarapaiym zattardyń ekonomikasy» damý baǵdarlamasy aiasynda jumysty kúsheitý tapsyryldy. Oblys basshysynyń tapsyrmasyna sai, ekinshi deńgeili bankterden kem degende 20 biznes-jobaǵa ruqsat alyp, sony júzege asyrý qajettigi aityldy.
Meiirjan Myrzaliev aýdan ákimderiniń nazaryn memlekettik jáne aimaqtyq baǵdarlamalar aiasynda kásipkerlerge usynylatyn memlekettik qoldaýdyń aýqymy keń ekenine aýdardy. Budan basqa, árbir ákim 2019 jyly Elbasynyń tapsyrmasyna sai, shaǵyn jáne orta biznesti damyta otyryp, jalpy ishki ónimniń úlesin 28,2 paiyzǵa jetkizý kerektigi eskertildi.
Túrkistan oblysy ákiminiń baspasóz qyzmeti
