Tatneft Qazaqstan aýmaǵynda júzege asyrylýy tiis bolǵan «Býtadien» jobasyna qatysýdan shyqqan, dep habarlaidy Dalanews.kz.
Petro council málimetinshe, quny shamamen 1 mlrd AQSh dollar bolatyn bul joba Atyraý oblysy aýmaǵynda býtadien jáne sonyń negizinde óndiriletin ónimderge arnalǵan iri munai-himiia keshenin salýdy kózdegen. Joba joǵary qosylǵan quny bar munai-himiia ónimderin damytýdaǵy strategiialyq bastamalardyń biri retinde qarastyrylǵan.
Bastapqy kezeńde joba birlesken kásiporyn formatynda júzege asyrylyp, onyń 75 paiyzy «Tatneftke», al 25 paiyzy qazaqstandyq tarapqa tiesili bolǵan.
Buǵan deiin, ótken jyldyń jeltoqsan aiynda, EPC-merdigerdi anyqtaý josparlanǵan edi. Bul jobanyń belsendi iske asyrý kezeńine ótýin bildirýi tiis bolatyn. Alaida qazirgi tańda negizgi strategiialyq seriktestiń jobadan shyqqany belgili bolyp otyr. Bul jaǵdai jobanyń ári qaraiǵy merzimine de, ony júzege asyrý formatyna da tikelei áser etýi múmkin.
