Tótenshe jaǵdailar ministriniń orynbasary Baýyrjan Syzdyqov sý tasqynynyń aldyn alýǵa biýdjetten bólingen 7 milliard teńgeniń qaida jumsalǵanyna jaýap berdi, dep habarlaidy Dalanews.kz.
Úkimet otyrysynan keiingi brifingte ministrdiń orynbasary jýrnalisterdiń saýalyna jaýap berip, 7 milliard teńgeden astam qarajat bólindi degen aqparatty joqqa shyǵardy.
- Túsindire keteiin. Is júzinde 7 milliard teńgeden astam qarajat bólingen joq. Tek qarastyrylǵan. Muny durys túsinýimiz kerek. Bul qarajat jergilikti atqarýshy organdardyń biýdjetterinde kózdelgen. Búgingi tańda ákimdikterdiń málimetinshe, 3 milliard teńgeden astam qarjy bólingen. Bul qarjynyń barlyǵy qazir kórip otyrǵanyńyzdai, sý tasqynynyń aldyn alýǵa jáne onymen kúresýge baǵyttalýda, – dedi Syzdyqov.
