"Salamatty Qazaqstan" áleýmettik jobasyn QR Prezıdenti janyndaǵy Áıelder isteri jáne otbasylyq-demografıalyq saıasat jónindegi Ulttyq komısıa QR Densaýlyq saqtaý mınıstrligimen, "Samuryq-Qazyna" AQ-men birlesip tabysty iske asyrýda jáne elimizdiń barlyq óńirlerin qamtıdy. 30 Maýsymda medısınalyq poıyz óz jumysyn Batys Qazaqstan oblysynda Tasqala aýdanynyń "Tasqala" stansıasynda jalǵastyrdy. Bul eldi mekende shamamen 8000 myń adam turady, – dep habarlaıdy Dalanews.kz BQO ákiminiń baspasóz qyzmetine silteme jasap.

Poıyz jumysynyń ashylýy barysynda medısınalyq poezdyń bas dárigeri Aınur Eginbaeva tegin medısınalyq, quqyqtyq, medıatıvtik, psıhologıalyq jáne basqa da kómek kórsetý maqsatynda óńirge kelgen qyzmetter spektrine jáne bilikti mamandarǵa nazar aýdardy.

Jınalǵandarǵa aýdan ákiminiń orynbasary, Tasqala aýdany ákimi janyndaǵy Áıelder isteri jáne otbasylyq-demografıalyq saıasat jónindegi komısıanyń tóraǵasy Saıagúl Ǵalıeva quttyqtaý sóz sóıledi.

İs-sharaǵa Batys Qazaqstan oblysy ákimi janyndaǵy Áıelder isteri jáne otbasylyq-demografıalyq saıasat jónindegi komısıanyń hatshysy Tatána Rogozına, Batys Qazaqstan oblysy polısıa departamentiniń áıelderdi zorlyq-zombylyqtan qorǵaý jónindegi aǵa ınspektory Dılára Satarova, Batys Qazaqstan oblysy ákimi janyndaǵy Áıelder isteri jáne otbasylyq-demografıalyq saıasat jónindegi komısıanyń músheleri qatysty jáne halyqtyń suraqtaryna jaýap berdi.

Ári qaraı poıyzdyń jumysymen Batys Qazaqstan oblysy Densaýlyq saqtaý basqarmasynyń basshysy Madıar Óteshov jáne birqatar jaýapty tulǵalar tanysty.

Joǵary biliktilik, izgi nıet, qyzyǵýshylyq, shynaıylyq, poıyz ujymynan qajetti kómek alǵan Tasqala turǵyndary sıpattady.

Tasqala aýdany ákiminiń orynbasary S. M. Galıeva aýdan turǵyndarynyń atynan medpoezd ujymyna alǵysyn bildirip, olardyń odan ári qyzmetine tabys tiledi.

Medısınalyq poezd saǵat 09:00 den bastap 18:00 ge deıin qyzmet kórsetedi.

Tasqala aýdany ákimdigi