Imanǵali Tasmaǵambetovtiń qyzy Ásel Tasmaǵambetova ózi irgetasyn qalaǵan “Sábi” qory arqyly 2023 jyly qaiyrymdylyq sharalaryna 14 861 505 000 teńge qarajat jumsaǵan, dep habarlaidy Dalanews.kz Zhasalash.kz-ke siltep.
Portal málimetinshe, bul aqsha túrli kompaniialar men jekelegen adamdardan jinalǵan. Alaida naqty qandai mekemeler men jekelegen adamdardyń jomarttyq tanytqany jaily esh aqparat joq.
Iri sheneýnikterdiń týǵan-týystarynyń qaiyrymdylyqpen ainalysýy avtoritarlyq elderge tán. Birer ǵana mysal keltirsek, eks-prezident Sara Alpysqyzynyń “Bóbegi”, qyzy Áliia Nazarbaevanyń “Jandaný álemi”, Almaty qalasynyń ákimi Erbolat Dosaevtyń jary Gúlnar Dosaevanyń “Dara” qory esińizge túsedi. Jalpy órkenietti elderde qaiyrymdylyq kórsetý mádenieti qalyptasqan. Qorǵa quiylatyn ár tiynnyń qaidan, kimnen kelgeni jáne qaida jumsalǵany ashyq jariialanady. Barlyq málimetter ashyq derekkózderine jariialanady. Al bizde ondai ashyqtyq joq. Tipti sol qordyń quryltaishylary jaily aqparat alý múmkin emes. 2002 jyldan beri qaiyrymdylyqpen ainalysyp júrgen Ásel Imanǵaliqyzy jýrnalister úshin jabyq adam. Buqaralyq aqparat quraldaryna bergen birde-bir suhbaty joq. Ol múmkindigi shekteýli balalar men talantty balalardy qoldaýmen ainalysady. Bilim salasy, meditsina jáne shaǵyn biznestiń damýyna járdem kórsetedi. Eshbir áleýmettik jelilerde jeke paraqshasy joq. Bar biletinimiz – UQShU bas hatshysy Imanǵali Tasmaǵambetovtiń tuńǵyshy. Mamandyǵy –zańger. Belgili kásipker Keńes Raqyshevtiń jary.
Aitpaqshy, byltyr qaiyrymdylyqqa 15 mlrd teńgege jýyq qarajat jumsaǵan Ásel Tasmaǵambetovanyń jary Forbesjýrnaly jariialaǵan bailar tiziminde 15-orynda. Onyń dáýleti – 570 000 000 AQSh dollaryn quraidy. Sońǵy jyldary Keńes Raqyshev Qazaqstandaǵy aktivterin azaitqan. Iaǵni dúnie-múlkin satqan, iaki shetelderge shyǵarǵan.
Ádette bilik túrli ákimshilik resýrstar arqyly kásipkerlerdi qandai da bir sharalardy qoldaýǵa mindettep tastaidy. Nemese bir jobalarǵa ketken qarajatty suraǵanda “oǵan kásipkerler demeýshilik jasady” degen jattandy jaýaptary daiyn turady. Al bizdiń keiipkerimiz ákimder tarapynan “ótinish” aitylmaityn atymtai jomart. Qoǵamda qaiyrymdylyǵy arqyly tanymal bolýdy, karera jasaýdy maqsat tutatyndar bar. Ásel Imanǵaliqyzy ol sanatqa da kirmeidi. Salyq sarapshylarynyń aitýynsha, qaiyrymdylyqpen ainalysatyn mekemeler sadaqadan túsken qarajat boiynsha salyqtan bosatylǵan. Bálkim, laýazymdy sheneýnikterdiń týǵan-týystarynyń qaiyrymdy bolýy osy sebepti me degen de suraq týyndaidy. Qazaq qoǵamyn qaiyrymdylyq qorlaryna kúdikpen qaraityny jasyryn emes. Sebebi óz aqshalarynyń naqty dittegen jerine jetetinine kúmánmen qaraidy.
