يمانعالي تاسماعامبەتوۆتٸڭ قىزى ەسەل تاسماعامبەتوۆا ٶزٸ ٸرگەتاسىن قالاعان “سەبي” قورى ارقىلى 2023 جىلى قايىرىمدىلىق شارالارىنا 14 861 505 000 تەڭگە قاراجات جۇمساعان, دەپ حابارلايدى Dalanews.kz Zhasalash.kz-كە سٸلتەپ.
پورتال مەلٸمەتٸنشە, بۇل اقشا تٷرلٸ كومپانييالار مەن جەكەلەگەن ادامداردان جينالعان. الايدا ناقتى قانداي مەكەمەلەر مەن جەكەلەگەن ادامداردىڭ جومارتتىق تانىتقانى جايلى ەش اقپارات جوق.
ٸرٸ شەنەۋنٸكتەردٸڭ تۋعان-تۋىستارىنىڭ قايىرىمدىلىقپەن اينالىسۋى اۆتوريتارلىق ەلدەرگە تەن. بٸرەر عانا مىسال كەلتٸرسەك, ەكس-پرەزيدەنت سارا الپىسقىزىنىڭ “بٶبەگٸ”, قىزى ەلييا نازارباەۆانىڭ “جاندانۋ ەلەمٸ”, الماتى قالاسىنىڭ ەكٸمٸ ەربولات دوساەۆتىڭ جارى گٷلنار دوساەۆانىڭ “دارا” قورى ەسٸڭٸزگە تٷسەدٸ. جالپى ٶركەنيەتتٸ ەلدەردە قايىرىمدىلىق كٶرسەتۋ مەدەنيەتٸ قالىپتاسقان. قورعا قۇيىلاتىن ەر تيىننىڭ قايدان, كٸمنەن كەلگەنٸ جەنە قايدا جۇمسالعانى اشىق جارييالانادى. بارلىق مەلٸمەتتەر اشىق دەرەككٶزدەرٸنە جارييالانادى. ال بٸزدە ونداي اشىقتىق جوق. تٸپتٸ سول قوردىڭ قۇرىلتايشىلارى جايلى اقپارات الۋ مٷمكٸن ەمەس. 2002 جىلدان بەرٸ قايىرىمدىلىقپەن اينالىسىپ جٷرگەن ەسەل يمانعاليقىزى جۋرناليستەر ٷشٸن جابىق ادام. بۇقارالىق اقپارات قۇرالدارىنا بەرگەن بٸردە-بٸر سۇحباتى جوق. ول مٷمكٸندٸگٸ شەكتەۋلٸ بالالار مەن تالانتتى بالالاردى قولداۋمەن اينالىسادى. بٸلٸم سالاسى, مەديتسينا جەنە شاعىن بيزنەستٸڭ دامۋىنا جەردەم كٶرسەتەدٸ. ەشبٸر ەلەۋمەتتٸك جەلٸلەردە جەكە پاراقشاسى جوق. بار بٸلەتٸنٸمٸز – ۇقشۇ باس حاتشىسى يمانعالي تاسماعامبەتوۆتٸڭ تۇڭعىشى. ماماندىعى –زاڭگەر. بەلگٸلٸ كەسٸپكەر كەڭەس راقىشەۆتٸڭ جارى.
ايتپاقشى, بىلتىر قايىرىمدىلىققا 15 ملرد تەڭگەگە جۋىق قاراجات جۇمساعان ەسەل تاسماعامبەتوۆانىڭ جارى Forbesجۋرنالى جارييالاعان بايلار تٸزٸمٸندە 15-ورىندا. ونىڭ دەۋلەتٸ – 570 000 000 اقش دوللارىن قۇرايدى. سوڭعى جىلدارى كەڭەس راقىشەۆ قازاقستانداعى اكتيۆتەرٸن ازايتقان. ياعني دٷنيە-مٷلكٸن ساتقان, ياكي شەتەلدەرگە شىعارعان.
ەدەتتە بيلٸك تٷرلٸ ەكٸمشٸلٸك رەسۋرستار ارقىلى كەسٸپكەرلەردٸ قانداي دا بٸر شارالاردى قولداۋعا مٸندەتتەپ تاستايدى. نەمەسە بٸر جوبالارعا كەتكەن قاراجاتتى سۇراعاندا “وعان كەسٸپكەرلەر دەمەۋشٸلٸك جاسادى” دەگەن جاتتاندى جاۋاپتارى دايىن تۇرادى. ال بٸزدٸڭ كەيٸپكەرٸمٸز ەكٸمدەر تاراپىنان “ٶتٸنٸش” ايتىلمايتىن اتىمتاي جومارت. قوعامدا قايىرىمدىلىعى ارقىلى تانىمال بولۋدى, كارەرا جاساۋدى ماقسات تۇتاتىندار بار. ەسەل يمانعاليقىزى ول ساناتقا دا كٸرمەيدٸ. سالىق ساراپشىلارىنىڭ ايتۋىنشا, قايىرىمدىلىقپەن اينالىساتىن مەكەمەلەر ساداقادان تٷسكەن قاراجات بويىنشا سالىقتان بوساتىلعان. بەلكٸم, لاۋازىمدى شەنەۋنٸكتەردٸڭ تۋعان-تۋىستارىنىڭ قايىرىمدى بولۋى وسى سەبەپتٸ مە دەگەن دە سۇراق تۋىندايدى. قازاق قوعامىن قايىرىمدىلىق قورلارىنا كٷدٸكپەن قارايتىنى جاسىرىن ەمەس. سەبەبٸ ٶز اقشالارىنىڭ ناقتى دٸتتەگەن جەرٸنە جەتەتٸنٸنە كٷمەنمەن قارايدى.
