Dalanews.kz Tasmaǵambetovtyń oi-paiymyna nazar aýdaryp, uiymnyń aimaqtyq qaýipsizdikti qamtamasyz ete almai otyrǵanyn anyqtady. Dese de, Imekeń uiymnyń kem-ketigin sylap-sipap, aimaq elderi úshin qyzyǵy taýsylǵan uiymdy damytýǵa qatysty oiyn aitýmen boldy.
Endi Imekeńniń oi-paiymyna nazar aýdaryńyzdar.
– Halyqaralyq saiasi jaǵdaidyń ýshyǵýy, óńirlik deńgeidegi konfliktileriń kúsheiýi halyqaralyq qatynastar júiesin baqylaýdy tómendetýde.
Saldarynan geosaiasattaǵy negizgi oiynshylar saiasi jáne ekonomikalyq múddeleriniń toǵysý núktesin taba almai jatyr. Gibridti tehnologiialardy qoldaný ahýaldy asqyndyryp, ulttyq táýelsizdik faktilerin anyqtaýda aitarlyqtai qiyndyq týǵyzýda, – deidi Tasmaǵambetov.
Onyń aitýynsha, halyqaralyq quqyqtyń eskirýi, halyqaralyq uiymdardyń mártebesiniń tómendeýi jaǵdaidy barlaýǵa múmkindik bermei memleketterdiń qaýipsizdigine keri áser ete bastaǵan.
– Ókinishke qarai, jahandyq deńgeidegi janjal aimaqtyq, tipti sýbaimaqtyq deńgeige kóterilip, baiyrǵy problemalardy qozdyryp, jańa daý-sharlardyń paida bolýyna jol ashýda. Olardy sheshý kezinde ýaqyt talabyn eskerip, beibitshilik pen turaqtylyqty qamtamasyz etý tetikterin ázirleý úshin qosymsha kúsh qajet.
Bul másele UQShU-nyń jaýapkershiligine qatysty bolyp tur. UQShU aýmaǵynda túrli gibridti tehnologiialar synaqtan ótip, uiymǵa múshe memleketterdiń ishki turaqtylyǵyna aitarlyqtai qater tóndirýde
Mundai jaǵdaida qaýipsizdik salasyndaǵy sýbóńirlik yntymaqtastyqtyń rólin arttyrýdyń mańyzy zor. Óitkeni jergilikti máseleler erekshe sipatqa ie bolǵandyqtan, ony jahandyq halyqaralyq uiym sheshe almaidy, – deidi UQShU Bas hatshysy.
Tasmaǵambetovtiń paiymynsha, jergilikti jerge tán problemalarǵa destrýktivti maqsattardy kózdeitin syrt kúshter ashyq nemese jasyryn aralassa, jaǵdai ýshyǵyp aimaqtyq problemalarǵa ainalýy bek múmkin eken.
– UQShU-nyń jaýapkershiligindegi aýmaq jaiynda aitsaq, aimaqta shekara problemasy jáne shekaralyq qaqtyǵystar bar. Sonymen qatar bizde bul máselelerdi retimen sheshýdiń oń tájiribesi de bar. Aitalyq, Tájikstan men Qyrǵyzstan arasyndaǵy janjal deldalsyz, memleket basshylarynyń kúsh-jigeriniń arqasynda birtindep sheshilip jatqanyn aitýǵa bolady. Jalpy, shekaranyń ýchaskelerin delimitatsiialaý jáne demarkatsiialaý jumystary júrgizilýde, – dedi spiker.
Jiynda Tasmaǵambetov Ońtústik Kavkazdaǵy kúrdeli jaǵdaidy aita kele, aimaqtaǵy jaǵdaidy turaqtandyrýǵa baǵyttalǵan UQShU sheshimi qoldaý tappai otyrǵanyna da alańdaýshylyq bildirdi.
– UQShU-nyń jaýapkershiligine jatatyn ońtústik shekaralarynda lańkestik áreketter, zańsyz kóshi-qoný jáne qarý men esirtkiniń zańsyz ainalymynyń taralý qaýpi áli saqtalýda. Terroristik jáne ekstremistik elementterdiń enýin tek Aýǵanstandaǵy asa kúrdeli jaǵdaimen ǵana emes, sonymen qatar shekaralas aimaqtardaǵy turaqsyz jaǵdaimen de bailanystyrýǵa bolady. Sondyqtan tájik-aýǵan shekarasynyń ýchaskelerin nyǵaitý jónindegi UQShU-nyń Memleketaralyq maqsatty baǵdarlamasy jobasy boiynsha jumystardy jedel aiaqtaýymyz kerek.
Sonymen qatar Ortalyq Aziiadaǵy sý resýrstaryn paidalaný máselesi ózekti másele bolyp tur. Onyń saiasilanýy bolashaqtaǵy qaqtyǵystardyń paida bolýyna yqpal etýi múmkin. Al bul máselelerdi elemeý aimaqtyq deńgeide apatty saldarǵa ákelýi múmkin, – deidi UQShU basshysy Tasmaǵambetov.
Óz kezeginde UQShU basshysy uiym jańa syn-qaterler men qaýip-qaterlerge jaýap berý úshin analitikalyq qoldaý jáne boljaý qyzmetindegi múmkindikterin arttyryp jatqanyn aitty.
– Aldaǵy ýaqytta uiym biologiialyq qaýipsizdik salasyndaǵy qaterlerge qarsy turýdyń tiimdi ádisterin ázirleýge basa kóńil bóletin bolady. UQShU qyzmetiniń negizgi baǵyty daǵdarysqa qarsy áreket etý jáne qaýipsizdik komponentin nyǵaitý, uiymnyń ujymdyq kúshterin oqytý jáne basqarý júielerin jetildirý bolyp tabylady.
Bul kúsh-jigerdiń nátijeleri birlesken jaýyngerlik oqý is-sharalary formatynda júieli túrde synalady. Bitimgershilikti damytýdyń mańyzy zor. UQShU-nyń ujymdyq bitimgershilik áleýeti óziniń tiimdiligin 2022 jyldyń qańtarynda Qazaqstandaǵy daǵdarysty jaǵdaidy jeńildetý kezinde dáleldedi, – dedi Bas hatshy.
