Abai oblysynyń ákimi Berik Ýáli aýdanǵa sapary barysynda Taskesken aýylyndaǵy birqatar nysandardyń jumysymen tanysty,– dep habarlaidy Dalanews.kz
Aimaq basshysy eldi mekendegi saparyn jergilikti turǵyndarmen birge shyrsha kóshetterin otyrǵyzýdan bastady.
Taskesken aýylyndaǵy sporttyq saýyqtyrý kesheni 2024 jyly ashylǵan. Qazir munda 90 bala sporttyń úsh túrimen (grek-rim, fýtbol, boks) shuǵyldanady. Ǵimarat aýmaǵynda fýtbol alańy bar.
Oblys ákimine Taskeskende jeke investorlar esebinen salynatyn jobalar tanystyryldy. Osy eldi mekenniń týmasy, belgili metsenat Talǵat Saqan aýylda 100 oryndyq qoǵamdyq saýyqtyrý ortalyǵy men dál osynsha oryndyq balabaqsha salýdy josparlap otyr. Qoǵamdyq saýyqtyrý ortalyǵynyń qurylysy bastalyp ketken. Eldi mekende balabaqshaǵa suranys bar. 90-ǵa jýyq bala balabaqsha kezeginde tur.
Aimaq basshysy Taskesken aýylynda eldi mekenniń aqsaqaldarymen kezdesip, usynys-pikirlerin tyńdady.
Oblys ákimi buryn aýdan ortalyǵy bolǵan Taskeskendi damytý baǵytyndaǵy sharalar jalǵasatynyn aitty.
«Taskeskende aýqymdy jumys atqarylyp jatyr eken. Memlekettiń kómeginen bólek kásipker azamattar týǵan jerine qol ushyn sozyp júrgeni qýantady. Biznestiń áleýmettik jaýapkershiligi aiasynda aýylda balabaqsha salynady. Osy baǵyttaǵy jumysty jalǵastyrý kerek. Taskesken – Úrjar aýdanyndaǵy eń iri aýyldardyń biri. Biz buryn aýdan ortalyǵy bolǵan eldi mekenderdiń damýyn árdaiym nazarda ustap otyratyn bolamyz», - dedi aimaq basshysy.
