Tashkentte Qazaqstannyń ońtústik óńirlerine arnalǵan týristik aqparat ortalyǵy ashyldy
Keńsede týristik ónimder bir ortaq brendpen biriktiriledi. Aldaǵy ýaqytta eki eldiń týristik operatorlarynyń qatysýymen qos aimaqqa sheteldik týristerdi tartý jumystaryn júrgiziletin bolady.
Búginde Uly Jibek jolynyń ejelgi qalalary – Samarqand, Hiýa, Buhara, Tashkent, Shymkent, Túrkistan jáne Tarazǵa aparatyn «Heritage of Uzbekistan and Kazakhstan» atty alǵashqy týristik baǵyt ázirlendi. Bul bastama Ortalyq Aziiaǵa arnalǵan shengen vizasyn alýdyń balamasy. Sonymen qatar, «Uly Jibek Jolynyń» biryńǵai vizasyn josparly túrde júzege asyrý aiasynda kórshiles eki eldiń týristik áleýetin damytýǵa jaqsy qoldaý bolmaq.
Aita keterligi, týristik aqparattyq ortalyq Ózbekstanda Qazaqstan jylynyń saltanatty ashylýyna orai ótkizilgen is-shara aiasynda iske qosyldy.
Túrkistan oblysy ákiminiń baspasóz qyzmeti
