وزبەكستان رەسپۋبليكاسىنداعى قازاقستان جىلىنا وراي، تاشكەنتتە وزبەكستان مەن قازاقستاننىڭ بىرلەسكەن تۋريستىك كەڭسەسى جۇمىسىن باستادى. بۇل ورتالىق تۇركىستان وبلىسى مەن شىمكەنت قالالىق تۋريزم باسقارماسىنىڭ قولداۋىمەن اشىلىپ وتىر.

كەڭسەدە تۋريستىك ونىمدەر ءبىر ورتاق برەندپەن بىرىكتىرىلەدى. الداعى ۋاقىتتا ەكى ەلدىڭ تۋريستىك وپەراتورلارىنىڭ قاتىسۋىمەن قوس ايماققا شەتەلدىك تۋريستەردى تارتۋ جۇمىستارىن جۇرگىزىلەتىن بولادى.

بۇگىندە ۇلى جىبەك جولىنىڭ ەجەلگى قالالارى – سامارقاند، حيۋا، بۇحارا، تاشكەنت، شىمكەنت، تۇركىستان جانە تارازعا اپاراتىن «Heritage of Uzbekistan and Kazakhstan» اتتى العاشقى تۋريستىك باعىت ازىرلەندى. بۇل باستاما ورتالىق ازياعا ارنالعان شەنگەن ۆيزاسىن الۋدىڭ بالاماسى. سونىمەن قاتار، «ۇلى جىبەك جولىنىڭ» ءبىرىڭعاي ۆيزاسىن جوسپارلى تۇردە جۇزەگە اسىرۋ اياسىندا كورشىلەس ەكى ەلدىڭ تۋريستىك الەۋەتىن دامىتۋعا جاقسى قولداۋ بولماق.

ايتا كەتەرلىگى، تۋريستىك اقپاراتتىق ورتالىق وزبەكستاندا قازاقستان جىلىنىڭ سالتاناتتى اشىلۋىنا وراي وتكىزىلگەن ءىس-شارا اياسىندا ىسكە قوسىلدى.

 

 

 

تۇركىستان وبلىسى اكىمىنىڭ باسپا ءسوز قىزمەتى