Almaty taýlaryna serýendeýge shyqqan eki boijetken Tereshkova shyńy mańynda tas kóshkinine tap bolyp, tómen túse almai qalǵan. Olar teńiz deńgeiinen 3445 metr biiktikke kóterilgen, dep habarlaidy dalanews.kz.
Oqiǵa týraly habar "109" qyzmetine túsken. Qyzdardy izdeýge Almaty ákimdiginiń Monitoring jáne jedel áreket etý ortalyǵynyń qutqarýshylary attandy.
Mamandar aldymen olarmen vizýaldy bailanys ornatyp, tún ishinde ornalasqan jerine jetken. Keiin boijetkenderdiń qaýipsiz túsýin uiymdastyryp, tańerteń ekologiialyq beketke deiin jetkizgen. Sol jerden qyzdar týystaryna tabystaldy.
Qutqarylǵandarǵa meditsinalyq kómek qajet bolǵan joq.
TJM taýǵa shyǵýdy josparlaǵan azamattarǵa marshrýtty aldyn ala zerttep, aýa raiyn eskerýge jáne fizikalyq daiyndyǵyn durys baǵalaýǵa keńes berdi. Sondai-aq telefondy tolyq qýattap, bailanys quraldary men qajetti jabdyqtardy birge alyp júrý qajet ekenin eske saldy.
Tótenshe jaǵdai týyndaǵan jaǵdaida "112" nómirine habarlasý kerek.
