Tarihi sátti 20 myń túrkistandyq erekshe qýanyshpen qarsy aldy
Túrkistan oblysynyń qurylyp, ortalyǵynyń Túrkistan qalasyna aýystyrý týraly Elbasy Jarlyǵyn óńir halqy erekshe qýanyshpen merekeledi. Túrkistannyń Esim han atyndaǵy ortalyq alańdaǵy airyqsha sharaǵa 20 myńdai adam qatysty.
Oblystyń ortalyǵy retinde bastalǵan jiynǵa alǵashqy kóshti Túrkistan oblysynyń ákimi Janseiit Túimebaev bastap bardy. Olardyń qatarynda oblytyq máslihat hatshysy Q.Balabiev, «Nur Otan» partiiasy oblystyq filial tóraǵasynyń birinshi orynbasary N.Joldasov, Qoǵamdyq keńes tóraǵasy Ó.Meldehanov syndy halyq qalaýlylary men ziialy qaýym ókilderi, ardagerler boldy. Shymkentten Túrkistanǵa jetken topty jergilikti turǵyndar zor qýanyshpen qarsy aldy.
Tarihi sátti tamasha merekege ulastyrý maqsatynda Astana men Almatydan arnaiy ánshiler toby da túrkistandyqtardyń qýanyshyna ortaqtasa keldi. Olardyń ortasynda elimizge belgili óner juldyzdary – Jubanysh Jeksenuly, Maqpal Júnisova, Ulyqpan Joldasov, Saiat Medeýov, Aigúl Imanbaeva, Tamara Asar, Ǵadilbek Janai, Jazira men Janbolat syndy onnan astam tanymal ánshiler án salyp, halyqtyń mereiin asyrdy.
Merekelik jiynda sóilegen Túrkistan oblysynyń ákimi J. Túimebaev Elbasy Jarlyǵynyń strategiialyq mańyzyna erekshe toqtalyp, ejelden qazaq handyǵynyń ortalyǵy, kúlli túrki jurtynyń rýhani ordasynyń endigi baǵytyn qoldap-qýattaýǵa shaqyrdy.
– Sizderdi kóne shahar Túrkistannyń oblys ortalyǵy mártebesin iemdengen tarihi sátimen shyn júrekten quttyqtaimyn! Prezidentimiz atap kórsetkendei óńirdiń órkendeýine tyń serpin berýin kózdegen sheshimniń tarihi mán-maǵynasy óte tereńde. Bul qadam kóne shahardyń qoinaýynda jatqan tarihi jádigerlerdiń qaita jarqyrap, óńirdiń áleýmettik-ekonomikalyq áleýetiniń kóterilýine, jergilikti turǵyndardyń turmys sapasynyń artýyna oń yqpal jasaityny sózsiz. 1500 jyldan astam tereń tarihy bar qalanyń HHI ǵasyrdaǵy jańa tynysy ashylǵaly tur. Ult kóshbasshysynyń Máńgilik eldi qalyptastyrýdaǵy uly maqsattarymen úilesken mundai saiasi sheshimdi júzege asyrýǵa janjúregimizben aianbai eńbek eteiik, – degen Janseiit Qanseiitulynyń tebirenisti tilegin myńdaǵan turǵyndar zor yqylaspen qabyl aldy.
Salatanatty kontsertte túrkistandyqtardyń tilegin qalalyq aqsaqaldar keńesiniń múshesi Shora Esmoldaev qýana jetkizdi. Elaǵasy Elbasynyń Jarlyǵy tek túrkistandyqtardy ǵana emes, tutas eldiń rýhyn kúsheitken kóregen toqtap bolǵanyna basa mán berip, halyqtyń atynan airyqsha alǵysyn jetkizdi.
Alańǵa jinalǵan qaýym estarada juldyzdarynyń óneri men otshashýdy tamashalyp, shyn rizalyqtaryn bildirdi. Keremet kesh halyqtyq dýmanǵa ulasty.
