Túrkistan oblysynyń jolaýshylar kóligi jáne avtomobıl joldary basqarmasynyń tapsyrysymen «AQ-JOL» JSHS merdiger mekemesi oblystyq mańyzy bar KH-105 «P-31-Kentaý-Túrkistan-Arystanbab-SHáýildir-Tórtkúl-Talapty» avtomobıl jolynyń 16,9 shaqyrymy ortasha jóndeýden ótedi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Jol jóndeý jumystary kelesi jylǵa ótpeli. Bekitilgen smetalyq kujattamaǵa sáıkes, jol boıyndaǵy eski sý ótkizgish qubyrlar aýystyrylady. 12 shaqyrym joldyń eski asfált jabyny buzylyp, eki qabat asfált salynatyn bolady. Sondaı-aq, qalǵan 4,9 shaqyrym joldyń ústine tegisteýshi qabat (vyravnıvaıýshıı sloı) pen maıda túıirshikti asfáltobeton jabynyn tóseý qarastyrylǵan.

Júrgizilip jatqan jumystardyń sapasyna tapsyrys berýshi, tehnıkalyq qadaǵalaýshy «Ońtústik joldary» MKK jáne «Ulttyq jol aktıvteri sapasy ortalyǵy» RMK tarapynan turaqty túrde baqylaýǵa alynǵan.