تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ تاپسىرىسىمەن «اق-جول» ج ش س مەردىگەر مەكەمەسى وبلىستىق ماڭىزى بار كح-105 «P-31-كەنتاۋ-تۇركىستان-ارىستانباب-شاۋىلدىر-تورتكۇل-تالاپتى» اۆتوموبيل جولىنىڭ 16،9 شاقىرىمى ورتاشا جوندەۋدەن وتەدى، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

جول جوندەۋ جۇمىستارى كەلەسى جىلعا وتپەلى. بەكىتىلگەن سمەتالىق كۇجاتتاماعا سايكەس، جول بويىنداعى ەسكى سۋ وتكىزگىش قۇبىرلار اۋىستىرىلادى. 12 شاقىرىم جولدىڭ ەسكى اسفالت جابىنى بۇزىلىپ، ەكى قابات اسفالت سالىناتىن بولادى. سونداي-اق، قالعان 4،9 شاقىرىم جولدىڭ ۇستىنە تەگىستەۋشى قابات (ۆىراۆنيۆايۋششيي سلوي) پەن مايدا تۇيىرشىكتى اسفالتوبەتون جابىنىن توسەۋ قاراستىرىلعان.

جۇرگىزىلىپ جاتقان جۇمىستاردىڭ ساپاسىنا تاپسىرىس بەرۋشى، تەحنيكالىق قاداعالاۋشى «وڭتۇستىك جولدارى» مكك جانە «ۇلتتىق جول اكتيۆتەرى ساپاسى ورتالىعى» رمك تاراپىنان تۇراقتى تۇردە باقىلاۋعا الىنعان.