Óńirde kieli oryndardy retke keltirý, damytý úshin 2018 jyly oblys biýdjetinen 686 mln. teńge qarjy bólinip, jumystar júrgizilse, demeýshiler tarapynan quny 208,4 mln. teńgeniń jumystary atqarylǵan.
Atap aitqanda, Qoja Ahmet Iasaýi kesenesi aýmaǵyn jáne Kúltóbe qalashyǵyn qalpyna keltirý, Ýkasha Ata kesenesine baratyn avtokólik joly, avtoturaq jáne oryndyqtar ornatý, Appaq Ishan meshitiniń shatyryna kúrdeli jóndeý jumystary júzege asyrylýda. Sonymen qatar, Otyrar qalashyǵynyń qaqpasyn qaita qurý, irgeles aýmaǵyn abattandyrý, kógaldandyrý jobasyna oblystyq biýdjetten 28,8 mln. teńge bólinip, qurylys jumystary bastalǵan.
Biyl oblysta arheologiialyq zertteý jumystary kúsheidi. Oblystyq biýdjetten Hanqorǵan qalashyǵyn zertteýge 32 mln. teńge,tańbaly tastardy zertteýge 18 mln. teńge qaralǵan.
IýNESKO-nyń «Uly Jibek joly eskertkishteri» atalymy boiynsha álemdik mádeni muralar tizimine engen ortaǵasyrlyq 8 eskertkish (Saýran qalashyǵy, Túrkistan, Sidaq, Qaraspan, Jýantóbe, Kúltóbe, Otyrar oazisiniń eskertkishteri, Bórjar qorǵany) týraly tuńǵysh ret derekti film túsirildi.
Tarihi-mádeni muralarymyzdy nasihattap, jastarǵa patriottyq tárbie berý maqsatynda túsirilgen «Kóne jetigenniń syry» atty 10 seriialy telehikaia respýblika kórermenderine usynyldy. «Kieli Qazyǵurt», «Otyrardy qorǵaý» atty tarihi-animatsiialyq filmder respýblikalyq jáne jergilikti telearnalardan kórsetilgen.
Odan bólek, «Túrkistan», «Oqsyz», «Ordabasy – birliktiń týy» animatsiialyq filmderi men 10 seriialy «Tóle bi» teleserialy túsirildi. Aǵymdaǵy jyldyń 19 qarashasynda «Kieli Túrkistan jáne Túrki dúniesiniń rýhani jańǵyrýy» atty ǵylymi-teoriialyq halyqaralyq konferentsiiasy ótkizildi.
Túrkistan oblysy men Qazaqstannyń kieli jerleri kartasyna engen nysandar týraly aǵylshyn, qytai, qazaq jáne orys tilderinde arnaiy rolikter jáne «Ontustik TourAudio» mobildi qosymshasy ázirlenip, týrister jii baratyn 35 týristik nysanda jáne 100 monýmenttik óner eskertkishterine QR-kodtar ornatylǵan.
Sonymen qatar, virtýaldy 3 beinerolik ázirlenip, VR-qural jabdyǵy arqyly 360 gradýsta kieli oryndy tamshalaýǵa múmkindik jasalǵan. Oblystaǵy qasietti, kieli oryndar men týristik mańyzy bar eskertkishterge 21 baǵytta týristik marshrýttar ashylǵan. Bul — týrizmdi damytýǵa serpin beretin jumystar.
Oblystaǵy airyqsha mańyzy bar tarihi-mádeni sáýlettik jáne arheologiia eskertkishteriniń fotoalbomy qazaq, orys, aǵylshyn tilderinde jáne «Ońtústiktiń qasietti oryndary:ańyz-ápsanalar» jinaǵy jaryq kórgen. 2019 jyly da Túrkistan oblysynda aýqymdy jobalar júzege asyrylady dep kútilýde.
Túrkistan oblysy ákiminiń baspasóz qyzmeti
