وڭىردە كيەلى ورىنداردى رەتكە كەلتىرۋ، دامىتۋ ءۇشىن 2018 جىلى وبلىس بيۋدجەتىنەن 686 ملن. تەڭگە قارجى ءبولىنىپ، جۇمىستار جۇرگىزىلسە، دەمەۋشىلەر تاراپىنان قۇنى 208،4 ملن. تەڭگەنىڭ جۇمىستارى اتقارىلعان.
اتاپ ايتقاندا، قوجا احمەت ياساۋي كەسەنەسى اۋماعىن جانە كۇلتوبە قالاشىعىن قالپىنا كەلتىرۋ، ۋكاشا اتا كەسەنەسىنە باراتىن اۆتوكولىك جولى، اۆتوتۇراق جانە ورىندىقتار ورناتۋ، اپپاق يشان مەشىتىنىڭ شاتىرىنا كۇردەلى جوندەۋ جۇمىستارى جۇزەگە اسىرىلۋدا. سونىمەن قاتار، وتىرار قالاشىعىنىڭ قاقپاسىن قايتا قۇرۋ، ىرگەلەس اۋماعىن اباتتاندىرۋ، كوگالداندىرۋ جوباسىنا وبلىستىق بيۋدجەتتەن 28،8 ملن. تەڭگە ءبولىنىپ، قۇرىلىس جۇمىستارى باستالعان.
بيىل وبلىستا ارحەولوگيالىق زەرتتەۋ جۇمىستارى كۇشەيدى. وبلىستىق بيۋدجەتتەن حانقورعان قالاشىعىن زەرتتەۋگە 32 ملن. تەڭگە،تاڭبالى تاستاردى زەرتتەۋگە 18 ملن. تەڭگە قارالعان.
الداعى ۋاقىتتا «حانقورعان» ارحەولوگيالىق قالاشىعىندا اشىق اسپان استىنداعى مۋزەي اشىلادى.
يۋنەسكو-نىڭ «ۇلى جىبەك جولى ەسكەرتكىشتەرى» اتالىمى بويىنشا الەمدىك مادەني مۇرالار تىزىمىنە ەنگەن ورتاعاسىرلىق 8 ەسكەرتكىش (ساۋران قالاشىعى، تۇركىستان، سيداق، قاراسپان، جۋانتوبە، كۇلتوبە، وتىرار ءوازيسىنىڭ ەسكەرتكىشتەرى، ءبورجار قورعانى) تۋرالى تۇڭعىش رەت دەرەكتى فيلم ءتۇسىرىلدى.
تاريحي-مادەني مۇرالارىمىزدى ناسيحاتتاپ، جاستارعا پاتريوتتىق تاربيە بەرۋ ماقساتىندا تۇسىرىلگەن «كونە جەتىگەننىڭ سىرى» اتتى 10 سەريالى تەلەحيكايا رەسپۋبليكا كورەرمەندەرىنە ۇسىنىلدى. «كيەلى قازىعۇرت»، «وتىراردى قورعاۋ» اتتى تاريحي-انيماسيالىق فيلمدەر رەسپۋبليكالىق جانە جەرگىلىكتى تەلەارنالاردان كورسەتىلگەن.
ودان بولەك، «تۇركىستان»، «وقسىز»، «ورداباسى – بىرلىكتىڭ تۋى» انيماسيالىق فيلمدەرى مەن 10 سەريالى «تولە بي» تەلەسەريالى ءتۇسىرىلدى. اعىمداعى جىلدىڭ 19 قاراشاسىندا «كيەلى تۇركىستان جانە تۇركى دۇنيەسىنىڭ رۋحاني جاڭعىرۋى» اتتى عىلىمي-تەوريالىق حالىقارالىق كونفەرەنسياسى وتكىزىلدى.
تۇركىستان وبلىسى مەن قازاقستاننىڭ كيەلى جەرلەرى كارتاسىنا ەنگەن نىساندار تۋرالى اعىلشىن، جۇڭگو، قازاق جانە ورىس تىلدەرىندە ارنايى روليكتەر جانە «Ontustik TourAudio» ءموبيلدى قوسىمشاسى ازىرلەنىپ، تۋريستەر ءجيى باراتىن 35 تۋريستىك نىساندا جانە 100 مونۋمەنتتىك ونەر ەسكەرتكىشتەرىنە QR-كودتار ورناتىلعان.
سونىمەن قاتار، ۆيرتۋالدى 3 بەينەروليك ازىرلەنىپ، VR-قۇرال جابدىعى ارقىلى 360 گرادۋستا كيەلى ورىندى تامشالاۋعا مۇمكىندىك جاسالعان. وبلىستاعى قاسيەتتى، كيەلى ورىندار مەن تۋريستىك ماڭىزى بار ەسكەرتكىشتەرگە 21 باعىتتا تۋريستىك مارشرۋتتار اشىلعان. بۇل — ءتۋريزمدى دامىتۋعا سەرپىن بەرەتىن جۇمىستار.
وبلىستاعى ايرىقشا ماڭىزى بار تاريحي-مادەني ساۋلەتتىك جانە ارحەولوگيا ەسكەرتكىشتەرىنىڭ فوتوالبومى قازاق، ورىس، اعىلشىن تىلدەرىندە جانە «وڭتۇستىكتىڭ قاسيەتتى ورىندارى:ءاڭىز-اپسانالار» جيناعى جارىق كورگەن. 2019 جىلى دا تۇركىستان وبلىسىندا اۋقىمدى جوبالار جۇزەگە اسىرىلادى دەپ كۇتىلۋدە.
تۇركىستان وبلىسى اكىمىنىڭ باسپا ءسوز قىزمەتى
