Qazaqstan Prezidenti Qasym-Jomart Toqaev "Dostyq – Moiynty" temirjolynyń ekinshi jelisin iske qosýǵa qatysty. Saltanatty shara VII Halyqaralyq transporttyq-logistikalyq New Silk Way biznes-forýmy aiasynda ótti, dep habarlaidy Dalanews.kz.
Bul joba strategiialyq mánge ie, sebebi jańa 836 km uzyndyqtaǵy magistral júkterdi tasymaldaý kólemin bes ese arttyrýǵa, eksporttyq taýarlardy jetkizý merzimin qysqartýǵa jáne Qazaqstannyń Qytaimen tranzittik áleýetin aitarlyqtai nyǵaitýǵa múmkindik beredi.
"Bul shyn máninde tarihi sát. Úsh jyl boiy toqtaýsyz eńbek etken bizdiń jumysshylarymyzdyń qajyrly eńbegi arqasynda temirjol jelisi josparlanǵan merziminen buryn iske qosyldy. Jańa jol ekonomika men tranzittik áleýetimizdi nyǵaitady", - dedi Memleket basshysy.
Integra Construction KZ qatysýy
Bul aýqymdy jobanyń bas merdigeri – Integra Construction KZ kompaniiasy boldy. Qozǵalysty iske qosý telekópir formatynda ótti, oǵan kompaniianyń benefitsiarlyq iesi Mútálip Shahmurat pen Qadaǵalaý keńesiniń tóraǵasy Qudiret Shámiev qatysty.
"Biz osy tarihi jobanyń bir bóligi bolǵanymyzǵa maqtanamyz. "Dostyq – Moiynty" ekinshi jelisi – Qazaqstandy álemniń eń iri naryqtarymen bailanystyratyn arteriia. Bizdiń eńbegimizdi tikelei Memleket basshysy atap ótkenine qýanyshtymyz. Jańa magistral el ekonomikasyna serpin berip, tranzittik áleýetti birneshe onjyldyqqa nyǵaitady. Basshylyq atynan búkil komandaǵa joǵary kásibi sheberlik pen adal eńbegi úshin alǵysymyzdy bildiremiz", - dedi Shámiev.
Ekinshi jeliniń uzyndyǵy - 836 km. Qurylys kúrdeli klimattyq jaǵdaida júrgizildi jáne josparlanǵan merziminen buryn, úsh jyldan az ýaqytta aiaqtaldy. Jobaǵa myńdaǵan qazaqstandyq mamandar qatysyp, qoldanylǵan materialdar men tehnikanyń 80%-dan astamy otandyq óndiris boldy.
Eske sala keteiik, Integra Construction KZ – Qazaqstandaǵy iri qurylys kompaniiasy, ekonomika damýyn qamtamasyz etetin aýqymdy infraqurylymdyq jáne óndiristik jobalardy júzege asyrýǵa mamandanǵan.
